Huisgenoot Beste Resepte: Braai
Sjokolade-broodpoeding
BROOD
8 croissants
45 ml (3 e) botter
150 g donkersjokolade, grof gekap 150 g pekanneute, grof gekap 30 ml (2 e) bruinsuiker
VLA
625 ml (2½ k) melk
4 eiers
5 ml (1 t) vanieljegeursel
1 ml (¼ t) elk neutmuskaat en
kaneel
geklopte room of vla vir voorsit
Voorverhit die oond tot 170 °C. Spuit ’n vuurvaste bak met kossproei of smeer dit met botter.
1 Brood Sny die croissants dwarsoor in 4 snye en smeer elke sny aan albei kante met botter. Pak in die vuurvaste bak.
2 Sprinkel die sjokolade, neute en bruinsuiker oor die croissants.
3 Vla Klits die melk, eiers, geursel, neutmuskaat en kaneel saam en giet oor die croissants.
4 Plaas die bak op die voorbereide oondpan en bak 35-40 minute tot gaar en bruin.
5 Sit voor met die geklopte room of vla.
4 GENOEG VIR 6-8 MENSE Bereiding 15 minute
Baktyd 40 minute