Harders met kruiebotter

Die pangebraaide aartappels is heerlik saam met hierdie klein heelvissies – trouens, saam met enige soort vis.

KRUIEBOTTER

250 g botter

45 ml (3 e) elk gekapte vars koljander en pietersielie

3 knoffelhuisies, fyn gedruk

7 ml (½ e) elk fyn komyn en paprika

1 suurlemoen se sap en skil

1 brandrissie, gekap

VIS

2-3 heelvisse soos rooiharders of springers OF 4-6 kleiner heelvissies soos harders, skubbe en binnegoed verwyder

PANAARTAPPELS olie

5 ml (1 t) fyn gerasperde gemmer

15 ml (1 e) gekapte vars knoffel

4 aartappels, gekook en in skywe gesny

2 ml (½ t) fyn komyn sout en peper

15 ml (1 e) gekapte vars koljander

GENOEG VIR

4 MENSE

Bereiding 15-20 minute

Braaityd 15-25 minute

(vis), 5 minute (aartappels)

1 Kruiebotter Meng al die bestanddele.

2 Vis Sny ’n paar kepe in die vel van die groter visse en vlek indien verkies. Smeer elke vis se vel goed met die kruiebotter in en plaas op ’n toeklaprooster. Stip die bokant (of vleiskant indien gevlek) van elke vis met nog kruiebotter. 3 Braai 15-25 minute oor matige kole (velkant na onder indien gevlek) of tot die vleis wit word. Draai om en stip die ander kant met kruiebotter. Braai nog ’n paar minute tot net gaar.

4 Aartappels Verhit ’n bietjie olie in ’n pan. Voeg die gemmer en knoffel by, gevolg deur die aartappels. Roerbraai 5 minute tot warm. Geur met die komyn, sout, peper en gekapte koljander.

5 Sit saam met die vis voor.

VARIASIE Vervang die kruiebotter met ’n mayonnaise-smeersel: Meng 250 ml (1 k) mayonnaise met 125 ml (½ k) natuurlike jogurt en roer ’n paar skeppies pesto (songedroogde tamatie, koljander of Thai) of chermoula by. Smeer die binnekant van die vis, die snye en die hele buitekant in.