Huisgenoot Beste Resepte: Braai
BRIKETTE
Voorbereiding 20-30 minute
Hierdie saamgeperste blokke steenkoolstof is ’n goeie keuse as jy warm kole in ’n ommesientjie nodig het. Baie mense verkies dit, want dit verkort die voorbereidingstyd. Wees versigtig met brikette wat vooraf in ’n aanstekervloeistof geweek is – dit kan die kos ’n chemiese smaak gee as jy nie die vloeistof heeltemal laat afbrand voor jy die kos opsit nie. Brikette is dikwels goedkoper as goeie braaihout en makliker beskikbaar. Dis die ideale keuse vir ’n ketelbraai.