Huisgenoot Beste Resepte: Braai
KUBAANSE VARKTJOPS
Lekker baie knoffel sorg dat die tjops vol geur is.
MARINADE
15 ml (1 e) gerasperde
lemoenskil 12 knoffelhuisies, fyn
gedruk
125 ml (½ k) vars of 20 ml (4 t) droë origanum
10 ml (2 t) fyn komyn
160 ml (²⁄₃ k) olyfolie
250 ml (1 k) lemoensap 125 ml (½ k) lemmetjiesap VLEIS
4-6 varktjops, uit die lende
of nek gesny sout en peper
1 Marinade Plaas die skil, knoffel, origanum en komyn in ’n voedselverwerker en verwerk tot fyn. Voeg die olie, lemoen- en lemmetjiesap deur die tuit by en meng goed. 2 Vleis Plaas die vleis in ’n nie-metaalbak of verseëlbare plastieksakkie en giet die marinade oor. Laat oornag marineer.
3 Verwyder die vleis uit die marinade, druk droog en geur met die sout en peper.
4 Braai die tjops vinnig aan albei kante op die warm kole tot dit net begin bruin word om dit te verseël. Lig die rooster en braai dit verder hoog bo die kole tot net gaar maar nie droog nie. Verf gereeld met die marinade.
5 Sit voor met lemoenskyfies indien verkies.
GENOEG VIR
4 MENSE Bereiding 15 minute Marineertyd oornag Braaityd 12-15 minute