Huisgenoot Beste Resepte: Braai
4MANIEREMET SPITHOENDER
KLASSIEKE BRAAIHOENDER
1 GENOEG VIR
4MENSE
Ons gebruik die braaipoeier en -sous vir ’n spithoender, maar dit sal ewe goed vir ’n hoender in die die ketelbraai werk. Die braaipoeier is ook ’n goeie pasmaat vir die suurlemoen- en Oosterse sous (kassie onder).
BRAAIPOEIER (lewer 500 ml) 125 ml (½ k) paprika
60 ml (¼ k) sout
60 ml (¼ k) suiker
30-45 ml (2-3 e) mosterdpoeier 45 ml (3 e) fyn komyn
15-30 ml (1-2 e) brandrissievlokkies 60 ml (¼ k) knoffelvlokkies BRAAISOUS (lewer 500 ml)
500 ml (2 k) tamatiesous
60 ml (¼ k) bruinasyn
60 ml (¼ k) worcestersous
60 ml (¼ k) bruinsuiker 30-45 ml (2-3 e) aangemaakte
mosterd
15 ml (1 e) braaipoeier (sien links) tabascosous na smaak BRAAIHOENDER
1 heel hoender
1 Braaipoeier Meng al die bestanddele en bêre in ’n lugdigte houer.
2 Braaisous Plaas al die bestanddele in ’n kastrolletjie en bring tot kookpunt terwyl geroer word. Verlaag die hitte en laat 10-15 minute prut tot die sous donker en geurig is.
3 Braaihoender Sprinkel van die braaipoeier ruimskoots oor die hoender en laat 15 minute staan.
4 Braai die hoender 25-30 minute oor matige kole tot goudbruin. Draai gereeld om.
5 Verf die hoender nou met braaisous en braai nog 15-20 minute oor warm kole tot donkerbruin en gaar. Draai gereeld om.
Bereiding 15 minute Gaarmaaktyd 10-15 minute
(sous) Staantyd
15 minute Braaityd 40-50 minute
(hoender)