DIE OLIMPIESE VREDESVERDRAG
Die verskillende stede in Griekeland het dikwels teen mekaar baklei, maar tydens die Spele het die leiers van elke stad ooreengekom om hul wapens neer te lê. Drie Griekse konings, Ifitos van Elis, Kleisthenes van Pisa en Lykurgus van Sparta, het in die negende eeu v.C. ’n vredesverdrag onderteken wat uitgestippel het dat atlete, kunstenaars en hul gesinne, asook gewone reisigers tydens die Spele veilig tussen die stede kon reis om die byeenkoms by te woon. Boodskappers het van stad na stad gereis om die datums en nommers aan te kondig.