PASSASIERSHOMMELTUIE
Hommeltuie is vandag nie meer ’n nuutjie nie – jy het waarskynlik al gesien hoe een van dié klein vliegtuigies werk, of jy het dalk al self een gebruik. Maar wat van hommeltuie wat mense kan vervoer?
Passasiershommeltuie, nes bestuur derlose motors, het nie ’n
stuurwiel of stuurpaneel nie. Die hommeltuig se rekenaarbrein sal alles beheer terwyl jy as die passasier net agteroor kan sit en ontspan tot jy jou bestemming bereik.
Dié hommeltuie kan passasiers van tot 100 kg 30 minute lank vervoer. Die stad Doebai het onlangs getoets of dié vervoermetode daar kan werk, en hommeltuie wat mense vervoer, het snelhede van 100 km/h bereik. Die vlugte word vanuit ’ n sentrale
beheerkamer beheer om te verseker ongelukke gebeur nie. Maar voor dié voertuie in die praktyk gebruik kan word, sal ingenieurs die veiligheids
maatreëls daarvan deeglik moet kan waarborg.