MYLPALE

1. SEPTEMBER 1998: Larry Page en Sergey Brin stig Google Inc.

2. AUGUSTUS 2001: Eric Schmidt word uitvoerende hoof van Google. Benewens Larry en Sergey is hy ’n sleutelfiguur in die maatskappy se sukses. Die drie het later ooreengekom om minstens 20 jaar lank, tot 2024, saam te werk. Volgens Eric was dit sy taak om “die chaos te bestuur, nie om daarvan ontslae te raak nie”.

3. AUGUSTUS 2004: Google word op die aandelebeurs gelys teen $85 (R548,25) per aandeel. Alphabet se aandeelprys het onlangs by $1 250 (R19 375) gedraai.

4. JUNIE 2006: ”Google” word as ’n werkwoord in die Oxford English Dictionary opgeneem. 5. OKTOBER 2006: Google koop YouTube vir $1,6 miljard (R10,8 miljard). 6. AUGUSTUS 2011: Google koop Motorola vir $12,5 miljard (R90,75 miljard) kontant. So het hulle honderde selfoonpatente verkry en hul posisie as eienaar van die Android-bedryfstelsels in die mobieletoestelmark verstewig. 7. OKTOBER 2015: Larry Page kondig die skepping aan van ’n nuwe beherende maatskappy, Alphabet, wat Google en al sy verwante sake-entiteite insluit. 8. FEBRUARIE 2016: Alphabet steek Apple as die wêreld se waardevolste maatskappy verby, en weer in 2017. 9. MEI 2018: Volgens BrandZ troef Google vir Apple as die waardevolste handelsnaam wêreldwyd.