Wenresep: Hoenderburger kraai koning

LEWER 4 BURGERS BEREIDING: 30 MIN. GAARMAAK: 30 MIN. HOENDER 4 hoenderborsfilette 250 ml (1 k) karringmelk 2 knoffelhuisies, fyngedruk 15 ml (1 e) gerookte paprika 1 suurlemoen se sap en gerasperde skil sout en peper na smaak 500 ml (2 k) broodkrummels olie vir vlakbraai KOOLSLAAI 125 ml (½ k) elk rooi en groen kopkool, fyngesny 1 wortel, gerasper 2 knoffelhuisies, fyngedruk 3 ml (ruim ½ t) fyngerasperde gemmer 5 g vars koljanderblare, gekap 100 ml rysasyn 15 ml (1 e) suiker SAMESTELLING 5 ml (1 t) paprika 125 ml (½ k) mayonnaise 4 slaaiblare (opsioneel) 4 burgerrolletjies, elk gehalveer

1 Hoender Kap die hoenderborsies effens platter. Meng die karringmelk, knoffel, paprika en suurlemoensap en -skil in ’n nie- metaalbak. Voeg die hoender by en marineer 15 min. 2 Haal uit die marinade, laat die meeste marinade afdrup, geur met die sout en peper en rol elke stuk in die broodkrummels tot goed bedek. 3 Braai in die verhitte olie tot goudbruin en net gaar. Dreineer op kombuispapier. 4 Koolslaai Meng die kool en wortel. 5 Meng die res van die slaaibestanddele en plaas op die koolmengsel. 6 Samestelling Meng die paprika en mayonnaise. 7 Plaas ’n slaaiblaar, indien gebruik, op die onderste deel van elke rolletjie en die hoender boop. Skep die slaai op en giet die mayonnaise oor. Plaas die boonste deel van die rolletjie boop en steek met ’n happiestokkie vas indien verkies.