GEBRAAIDE DRUIWE EN ICEBERGSLAAI MET SPEKSLAAISOUS

Die spekslaaisous is heerlik saam met die slaaiblare en druiwe.

GENOEG VIR 4-6 MENSE BEREIDING: 10 MIN. GAARMAAK: 10 MIN.

SLAAISOUS 250 g gekapte spek 125 ml (½ k) olie 10 ml (2 t) Dijonmosterd 45 ml (3 e) appelasyn 1 knoffelhuisie, fyngedruk sout en peper na smaak SLAAI 2 trosse swart druiwe 1 tros groen druiwe 1 Icebergblaarslaai 1 baba-vinkelbol, oor kole gebraai en dan in dun repies gesny, of ’n hand vol appelliefies halwe rooi-ui, in dun ringe gesny 1 bol bocconcini-kaas (mozzarella), in stukkies gebreek grondboontjies vir oorsprinkel (opsioneel)

1 Slaaisous Braai die spek in van die olie tot gaar en bros. Laat afkoel en kap die spek fyn in ’n voedselverwerker. Voeg die orige olie, mosterd, asyn en knoffel by en verwerk tot heeltemal fyn en gemeng. Geur na smaak met sout en peper

2 Slaai Rooster die takkies druiwe tot die velletjie net begin oopbars. 3 Sny die blaarslaai in wiggies, rooster die snykante effe indien verkies en plaas die druiwe bo-op. Sprinkel die vinkelstukkies of appelliefies, ui en kaas oor. 4 Giet die slaaisous oor. Sprinkel die grondbone oor indien verkies.