DIE MUCHIMBA-/ HIMBA-STAM, ANGOLA EN NAMIBIË
Hierdie halfnomadiese mense leef hoofsaaklik in Angola se stowwerige grensgebied met Namibië op die droë Kaokoveldplato in die Kunenestreek. Die Kunenerivier speel ’n sentrale rol in hul daaglikse lewe, wat hoofsaaklik om bees- en bokboerdery draai.
Talle vroue op die plattelandse dorpies loop bostukloos en besmeer hul vel met ’n mengsel van botter, as en oker om jeugdig te lyk.
Daar is na raming slegs 50 000 Muchimba-/Himba-mense oor.