Hoe werk mediese dekking vir COVID-19?

Ons beantwoord sewe vrae oor coronadekking

DIE coronavirus het ons as’t ware uit die niet getref en min mense weet of hul mediese fonds vir behandeling en medikasie sal betaal as hulle siek word. Die kort antwoord is: Ja. Die meeste fondse soos Discovery en Gems sal hul lede dek uit die fonds se risikovoordele. Dit beteken die fonds dra die koste en trek dit nie van jou daaglikse voordelebedrag af nie. Maar daar is natuurlik voorwaardes. Hier is die antwoorde op sewe belangrike vrae.