KWETHULWE EZE-SABC 1
ZISALE zisalangazelele ukuphakelwa okomphefumulo izethameli ebezihambele umcimbi wokwethulwa kwezinhlelo ezibuyekeziwe zakwasabc 1, obusefourways, egoli, emuva kwenkulumo kasydney Madibo ( osesithombeni kwesokunxele) owethula izinkulumo ezakhayo.
Umadibo unqobe i- season yesihlanu ngowezi-2017 yomncintiswano i-one Day Leader okuwuhlelo oluthungatha intsha eneminyaka ephakathi kuka-18-25 enekhono lokuba ngabaholi ezigabeni ezahlukene olukhonjiswa kulesi siteshi.
Umadibo ushiye lezi zitatanyiswa, abalingisi nabethuli bezinhlelo bethathekile ngenkulumo yakhe eyakhayo ebinohlonze. Ubegxile ekutheni noma ngabe yini ofuna ukuyenza ingenzeka. Kulo mcimbi ISABC 1 imemezele izinhlelo ezintsha nalezo ezindala kodwa esezibuyekeziwe, yaphinde yamemezela nokushintsha kwezikhathi.
Phakathi kosaziwayo abebekulo mcimbi ngusphesihle Vazi nosinazo Yolwa abebengabaphathi bohlelo, ngukhanya Mkangisa, UDJ Buckz ( osesithombeni ogqoke ikepisi nezibuko), utumelo Enoch Matila odume ngelikastop Nonsons noma ujumaima ongusomahlaya, abasakazi boKhozi FM, usthandwa Nzuza noselbeyonce obesakaza bukhoma behambisana nomphathi wabo kwezokumaketha, usbongi Ngcobo, nabalingisi bezinhlelo ezikhonjiswa KWISABC 1.
Ezinhlelweni okungezintsha nezibuyekeziwe yitjovitjo eqala namuhla ngo20h00; umdlalo Ingozi osubuya okwesibili kusukela ngesonto elizayo; olomdanso istumbo Stomp oselubuya okwesihlanu nabethuli abasha okungudj Buckz odume kakhulu eqenjini i-uhuru; umamela Nyamza nokelly Khumalo oluqale ngoLwesihlanu ngo-18h00; isingle Galz eqale ngomsombuluko ligamenxe ele-7 esibuya okwesibili; ithrowback Thursdays esibuya okwesibili njalo ngolwesine; imi Kasi Su Kasi esibuya okwesibili; ireno Race eqale ngolwesithathu ngo-18h00.
Kuzoba nohlelo lwebhola njalo ngoMgqibelo oluqale kule nyanga olubizwa ngeroad To Russia ngo-14h30 njengoba kuzoba neworld Cup erussia ngo-2018.