IZINTO OKUMELE UZIQAPHELE:
Uma ufaka isithombe sesithandwa sakho kulindele ukuthi uma utag(a) u-bae noma u-boo, abantu abakulandelayo bazomlandela naye noma bathumele isicelo sokuba wumngani naye.
Khumbula ukuthi kakubi yibo bonke abantu abasuke benezinhloso ezinhle ngokwenza lokho. Abanye babheka izithombe zakhe, bembheka ukuthi kungabe ungubani, bazame ukuthola into embi abangayisho ngaye kanti abanye bangagcina sebencokola naye.
Uthando lwenu lugcina selunezigigaba eziningi.
Ngisho kungabe unabangani abambalwa enkundleni yezoku- xhumana kodwa ngeke wazi ukuthi ngubani ozothatha i- screenshot sento oyibhalile bese eyisabalalisa, ugcina usuzisola nanokuthi wawukade ukubhalelani lokhu owakubhala.
Kungagcina sekunokuncintisana ebudlelwaneni.
Ezinye izithandani zigcina zixabanela izinto ezifana nokuthi ngubani ofaka izithombe eziningi kunomunye.
Uma wena usifaka njalo isinqamathe sakho ekhasini lakho nawe uzolindela ukuthi senze okufanayo.
Uma kungenjalo ungagcina usuzitshela ukuthi sinomunye noma kasikuthandi ngendlela osithanda ngayo. Kanti mhlawumbe singumuntu othanda ukugcina impilo yangasese ingeyangasese.
Kudaleka izinkinga uma senihlukana.
Uma senihlukene kumele ukhethe ukuthi izithombe uzigcina ekhasini lakho noma uyazisusa. Uma ukhethe ukuzigcina kulindele ukuchazela uphathina wakho omusha ukuthi ngubani lo osekhasini lakho.
Amathiphu kwabathandanayo ezinkundleni zokuxhumana:
Uma uzobhala ngesithandwa sakho ekhasini lakho, khuluma naso ngaphambi kokufaka izithombe zenu.
Gwema ukukhuluma ngezinto zasekamelweni kwazise izinkundla zokuxhumana zingezomphakathi.
Izingxabano zenu mazingaphumeli ezinkundleni zokuxhumana ngoba uzozisola ekugcineni.