EZAMAFILIMU:
THE DISASTER ARTIST UMQONDISI : James Franco ABADLALI ABAPHAMBILI: Dave Franco (Greg/mark), James Franco (Tommy/johnny), Seth Rogen (Sandy), Alison Brie (Amber), Ari Graynor (Juliette/lisa), Josh Hutcherson (Philip/denny), Jacki Weaver (Carolyn/ Claudette) UHLOBO : Biopic, Comedy, Drama, History
IMINYAKA : 18 L/N/S UMHLAZIYI : Zowakha Mbatha
NGESINYE isikhathi kuyasiza ukuphikelela uma kunephupho ofuna ukulifeza kanti ngesinye isikhathi kukufakela amehlo abantu. Ugreg ungumlingisi onomngani ongumkhiqizi wamafilimu, utommy.
Onkabi banikela elos Angeles ngenhloso yokusondelana nempilo yodumo yasehollywood yabalingisi abaphumelelayo kanti bazochithwa, bangaphumeleli.
Ekuchithweni kwabo kabapheli moya, banquma ukuzenzela eyabo ifilimu ayibhala yena utommy, ayikhiqize aphinde ayiqondise, nokusho ukuthi uzibambe zonke izimpondo zefilimu.
Uzohleka, udideke uphele ngezigigaba ezenzeka ngesikhathi kuphekwa le filimu, ithe Room nephenduka umbhedo wokugcina. Shona khona-ke e- cinema ngoba ingenile ngolwesihlanu lwayizolo. zowakha@ilanganews.co.za
Iqalile inyanga yothando nokulindeleke ukuba sande isibalo sezithandani ezihambela emacinema.
Abakwaster Kinekor Entertainment bathi IJUMANJI: WELCOME TO THE JUNGLE ibisaqengqeleza phambili ngokufaka imali eningi njengoba bese ifinyelele ku-r55 019 276 ngempelasonto yomhlaka-2 kuya ku-4 kuNhlolanja (February).
Ayishumi ahambe phambili ngokubukwa ami kanje:
1 JUMANJI: WELCOME TO THE JUNGLE
2 MAZE RUNNER: THE DEATH CURE
3 DEN OF THIEVES 4 COMMUTER
5 GREATEST SHOWMAN 6 WOUND
7 FERDINAND
8 POST
9 PITCH PERFECT 3 10 DARKEST HOUR