Akuyekwe ukuhlukunyezwa kwabesifazane
MHLELI, ngithi mangizwakalise ilaka lami njengomzali, ikakhulu njengoba ngizele amantombazane.
Ngibhala le ncwadi nje ngibuhlungu nge- video engiyibonile, lapho indoda endala imuncisa ingane eneminyaka engaphansi kwelishumi isitho sayo sangasese.
Ngiyazibuza nje ukuthi ngesinjani lesi sizwe esisakhayo uma sesaphenduka izilwane uqobo singobaba nomalume?
Emandulo babevikelwa futhi baziswa abantu besifazane, ikakhulu intsha ngoba yibo kanye abakha amakhaya anemfudumalo.
Kubuhlungu uma sifunda ngokubulawa nokudlwengulwa kwabesifazane mihla namalanga, ikakhulu abasebancane (okungasho ukuthi kumele kudlwe- ngulwe futhi babulawe asebekhulile).
Kangazi impela leli zwe liyobuswa ngobani noma komele libuyele kubelumbi na?
Ngoba nakhu isizwe siyasibulala, amadoda amaningi (ikakhulu intsha) agcwele emajele, ondliwa ngemali yabakhokhintela, okuhlanganisa neyabo abazali bezingane ezihlukunyeziwe.
Masilikhuze leli shobolo ngoba akakho ongazisoli uma eseboshwa agwetshwe iminyaka, ikakhulu udilikajele, ekade engabuboni lobulwane abenzayo okushiya imindeni izilile noma ilahlekelwe yiloyo obeselithemba lokubakhipha ebubheni.
Mfundo Thango Kwamashu, ethekwini