LUZOGABA NGOSAZIWAYO UHLELO LUKA-LORNA
SITHEMBISA lukhulu ngokubuya kwesizini yesibili kohlelo lwaso isiphalaphala sentokazi esesizakhele udumo kumabonakude, ulorna Maseko ( osesithombeni).
Ulorna ongumethuli wohlelo ithe Hostess With Lorna, olukhuza ibuya esiteshini sikamabonakude ISABC 3, uthi isizini yesibili yohlelo lwakhe nakanjani izoshi- ya abantu bejabulile kakhulu.
“Okungijabulisa kakhulu wukuthi siqukethe osaziwayo abasezingeni eliphezulu futhi abazothakaselwa ababukeli,” kusho ulorna.
Le ntokazi ibikhuluma naleli phephandaba ngesikhathi isiteshi sikamabonakude ISABC 3 sethula kwabezindaba izinhlelo zaso ezintsha nezikhuza ibuya.
Uhlelo lwayo lungolunye olukhuza ibuya kulesi siteshi esisemkhankasweni wokuheha ababukeli. Ulorna uthi lolu hlelo luyahambisana naye njengoba lukhombisa umfutho kanti uyazifela ngokuba sekhishini ezama izinto ezintsha.
“Kulokhu sizozama nokufundisa abantu ukuthi bangakwenza ukudla okumnandi futhi okusezingeni ngokusebenzisa izithako okulula ukuzithola nezishibhile,” kusho yena.
Unanele ngokuthi okunye okumjabulisayo wukuthi naye uyathinteka kakhulu kulolu hlelo.
“Ngaphandle kokulwethula kodwa luthinta nami ngqo ngoba ngiwuhlobo lomuntu okukhonzile ukuzama izindlela ezi-ntsha zokwenza izinto ikakhulukazi ekhishini,” kusho yena.
Ngaphandle kwalolu hlelo, ulorna uthe kuningi akuhlelile kulo mkhakha kodwa okwamanje ngeke akudalule ngenxa yemigomo nemibandela abhekene nayo ngekusasa lakhe. Lolu hlelo kulindeleke ukuba luqale ukukhonjiswa ngolwesithathu mhlaka-14 kwephezulu.