KUVALWE U-N1 NGENXA YENGOZI
UVALWE wonke uthelawayeka womgwaqo u-n1, egoli kulandela isibhicongo sengozi eyenzeke ohlangothini olubheke enyakatho.
Kudingeke ukuba amaphoyisa omgwaqo awuvale wonke ngenxa yenqwaba yezimoto ezibandakanyeke kule ngozi.
Okhulumela umnyango wamaphoyisa omgwaqo egoli u-edna Mamonyane uthe le ngozi yenzeke ngemuva kuka10h45 ekuseni ngesikhathi umshayeli weloli ehluleka wukubamba amabhuleki.
“Lokhu kuholele ekutheni leli loli lishayisane namanye amaloli amabili, kwase kushayisana izimoto eziyi-8.
Uthe bekunemibiko yabantu abavaleleke ezimotweni zabo, yingakho kudingeke ukuba kuvalwe umgwaqo ukuze abezimo eziphuthumayo bezokwazi ukusebenza kahle.
“Besishiye umzila owodwa kulo mgwaqo uvulekile kodwa sanquma ukuba uvalwe wonke ngenxa yokwanda komsebenzi,” kusho yena.