ZIYAWUSHAYA KOWE-HIP HOP
SEKULINDELWE usuku lomshado phakathi kukasaziwayo ongumculi we- hip hop, u-emtee ( osesithombeni) nesinqandamathe sakhe, unicole Kendall Chinsamy.
Ezinsukwini ezimbalwa ezedlule u-emtee ogama lakhe langempela ngumthembeni Ndevu, uveze enkundleni yokuxhumana, i-instagram, ukuthi sebethembisene umshado nonicole, ongunina wezingane zakhe ezimbili.
Umbhalo omfushane awufakile eveza ukuthi sebethembisene umshado nonina wezingane zakhe ubuhambisana nesithombe sesandla okukholakala ukuthi ngesikanicole esifakwe iringi yedayimane.
Ekhuluma nedrum u-emtee, uthe bathembisene umshado ngesonto ngesikhathi beseghana lapho bebethamele khona umcimbi I-AFRIMA Awards.
Echaza embikweni waleli phephabhuku, uthi ucele isinqandamathe sakhe ukuba sibe yinkosikazi yakhe, esidlweni sakusihlwa esiyisipesheli, abesihlelele yena unicole, ehhotela abebehleli kulo.
“Ubemangele, elokhu eshaywa ngamahloni.
"Ngifuna ukumshada futhi ngizwa sengathi kuzokwenzeka maduze,” kusho u-emtee ephephabhukwini idrum.