U-TBO TOUCH USENGENISA KWEZAMAFILIMU

ISILOMO esingumsakazi utbo Touch esiphinde sibe ngumnikazi wesiteshi itouch HD sithembisa lukhulu ngefilimu yaso ezokhonjiswa emabhayisikobho ngonyaka ozayo. Utouch ogamalakhe langempela nguthabo Molefe umatasa kulezi zinsuku uqopha ifilimu yakhe esihloko sithi “Blessers”.

Ekhuluma NELANGA Langesonto, utouch udalule ukuthi le filimu izoba ngeyamahlaya kanti izophinde ibe yisifundo ngempilo yalabo ababizwa ngama- blesser namantombazane asebizwa ngama- slay queen. Uthi ngaphandle kokuba wumbhali nomqondisi wale filimu uzophinde abe ngomunye wabalingisi abaphambili kuyona.

“Ngizobe ngiqala ukulingisa kule filimu kanti abantu bazobhema bakholwe,” kusho utouch.

Uveze ukuthi itouch HD ingena kwelinye igiya manje njengoba ngaphandle kokuba yisiteshi somsakazo isiphinde ikhiqize namafilimu.

“Itouch HD isinesigaba sokuqopha amafilimu njengoba sizothi siqeda ukuqopha le filimu sibe sesiqala ukuqopha eyesibili iblessers 2,” kuqhuba yena.

Utouch uthi kule filimu kuzobonakala abalingisi asebemnkantsh'ubomvu, phakathi kwabo okukhona nokenneth Nkosi nabanye. Utouch uphinde wadalula ukuthi umkhankaso wakhe wokwehlisa intengo ye- data usazoqhubeka.

“Ngeke siyeke ukulwa nalokhu kuze kube abantu baseningizimu Afrika bayithola ngentengo ephansi i- data,” kusho lo msakazi onamanye amabhizinisi.