Uyangidida lo bhuti
NGINGOWESIFAZANE, ngithandana nobhuti ongididayo. Uma engikhumbule uvele eze kimi endlini kodwa mina mangithi ngimkhumbule athi kumele ngizwe ngaye.
IMPENDULO: Mtakamama, angiboni nencane nje into edidayo kule ndaba yenu nalo mlisa. Musa nje ukuvumela ingqondo yakho ididwe yizinto ezisobala.
Yebo angimazi lo muntu wakho kodwa uma ngibheka nje, ngibona sengathi ubhekene neqili elizidlalela ngawe.
Kulo mlisa ngikubona ufana nale nto edliwa yizingane okuthiwa yisqeda, eziyiphuza kuphela mhla kushisa ilanga, zomile, kuthi lapho zingomile zikhohlwe yiyona.
Akekho umuntu okuthi nithandana akutshele ukuthi kufanele ulinde yena makuvuma inhliziyo yakhe.
Musa nje ukuhlalela umsangano, ungavumi omunye umuntu akwenze ibhola. Ungalokothi nje umoshe isikhathi sakho uhlalele umbhedo. Kodwa-ke konke kulele kuwe, nguwena ozothatha isinqumo. Mina ngokwami, lo muntu uzidlalela ngawe.