Babongele ufata Ntuthuko Mtshali
AMEHLO awaphathelwana ngobuhle nokuhleleka kahle komcimbi wangesonto eledlule obuyindumezulu wokubongela ufata Ntuthuko Mtshali webandla lamaroma Akhatholika est Francis of Assisi Parish, est Faith ngaseport Shepstone, obehlanganisa iminyaka eyishumi athatha ubizo lobufundisi.
Lo mcimbi ubusiswe ukuba khona kukambhishobhi wesifunda ubishop Pius Dlungwana, nabaholi bamabandla ehlukene ebebevela ezindaweni ezahlukene kuleli.
Inkonzo iphathwe yisikhwishikhwishi sikafata wasenewcastle, usibongiseni Msomi, ocaphune izwi encwadini kajohane, nakumaHeberu 10-kusuka evesini le-11 kuya kwele-18.
Ufata Msomi ugxile obizweni lwabefundisi wathi: “Noma ngubani osuke ebizelwe umsebenzi kaNkulunkulu usuke evuma ethi ‘Ngikhona Nkosi’. Usuke evuma ukuthi uzokwenza umsebenzi kajesu, alalele okushiwo yibandla. Wemukela konke kwasebandleni kukuhle kukubi. Usuke evuma ukuthi uzolalela ibandla.”
“Bazalwane sisizeni ngokuba nemukele bonke abapristi ngokulinganayo, akukuhle ukuba uzwe abazalwane bethi bazoyigxoba uma kushintshwa umfundisi wabo eyiswa kwenye indawo ngoba lokho kusho ukuthi abakuqondi ukuthi bonke abapristi bavume izwi elilodwa elithi ‘ngikhona’.
“Ngakho uma besuswa kwenye indawo, beya kwenye, basuke besabizelwe umsebenzi webandla nga-kho ibandla alimemukele lowo osuke esefikile.”
Ufata Msomi ulinganise ukuhlanganisa iminyaka eyishumi kukafata Mtshali nomthetho weshumi othi “ungayifisi impahla kamakhelwane wakho”. Uthi lo mthetho of of usikhuthaza ukuba singawuthathi kancane umsebenzi kankulunkulu, siziqoqe.
“Sikufisela eminye iminyaka eminingi obizweni lwakho Fata. Usazohlangabezana nezingqinamba empilweni. Siyakubongela ukuthi usinde ekufeni ushiswa ngamanzi. Siyambonga unkulu- nkulu ngalokho,” kuphetha ufata Msomi.
Kulandele uhlelo lomculo owethulwe yithe Challengers eholwa wuqweqwe lukaphrojusa, uthokoza Msomi, wasemlazi, neqembu lomama bamakhatholika.
Usihlalo webandla, umnu Robert Khuzwayo, uncome umse- benzi kafata wathi selokhu efikile ulethe ushintsho ebandleni futhi unamasu okuletha amathuba emisebenzi kule mishini. Uphinde wabonga abahleli balo mcimbi.
Ufata Mtshali wehluleke ukuzibamba ethelwa ngendathane yezipho ezahlukene.
Ubonge ibandla wathi: “Ngiya- bonga phambi kukambhishobhi Dlungwane ukuthi ngisebandleni elingithandayo, esisebenzisana kahle nalo. Ngiyanibonga bazalwane, inkosi inibusise nonke.”
Kufinywe ngendlolwane, incoso ibiyiziduli zabasali, iziphuzo zingangamanzi okuphala izikhumba.