PHILANI NCALANE

khathi kukhona obadedelayo, abanye unqaba ukuthi bahambe, kudaleka isimo sokuthi abasele bahudule izinyawo, njengoba kuthiwa kukhona abagila lo mkhuba kule kilabhu.

Ikwazulu-natal inamakilabhu ambalwa kakhulu kwipremiership njengoba kukhona yona iteam of Choice, Amazulu nelamontville Golden Arrows.

Ngakho-ke kumqoka kakhulu ukuthi ukadodia asisukumele ngokushesha isimo sekilabhu yakhe.

Iteam of Choice iyigugu kubantu basemgungundlovu njengoba behlale beyeseka. Ukuba khona kwale kilabhu kwipremiership, yikhona kuphela okunikeza abantu basemgungundlovu namaphethelo ithuba lokubuka imidlalo yepremiership.

Ukusukumela phezulu kukakadodia akumqoka nje kuyena kuphela, kodwa kumele akuqonde ukuthi ukuhlenga le kilabhu ezembeni, kuzokube kusho lukhulu kubantu basemgungundlovu.

Iteam of Choice sekunesikhathi iyibambe esigabeni esiphezulu, akumele ngabe ivika izembe, kodwa kufanele ngabe ilwela ukunqoba izinkomishi manje.

Nxa ifree State Stars ikwazi ukunqoba inedbank Cup kuthi ibaroka inqobe itelkom Knockout, yini ehlula imaritzburg United ukwenza okufanayo?

Eqinisweni nje, amakilabhu akwazulu-natal amandla ekutheni afuna ukuqeda kwi- top 8, awakubeki eqhulwini ukufuna ukulwela ukunqoba izinkomishi.