USEYAZISOLA UNEYMAR NGOKULAXAZA I-BARCELONA
LUYAQHUBEKA udaba lokumataniswa kukaneymar wasebrazil nokukhuza ibuya kwibarcelona yasespain.
Lo mdlali uthuse abathandi bebhola abaningi emhlabeni eshiya kwibarca eqoma iparis SaintGermain (PSG) yasefrance emyenge ngemali eshisiwe. Lo mdlali kuthiwa uke wazibambela mathupha izinhlelo zokubuyela kwibarca.
Kuthiwa uneymar usexhumane amahlandla ayisihlanu nezikhulu zebarca ezincenga ukuba zimbuyise ngesizini ezayo. Kuthiwa ukuxhumana phakathi kukaneymar nebarca kuqale ngasekupheleni kwesizini edlule.
Njengamanje kuthiwa izingxoxo sezisingethwe nguneymar Santos Sr onguyise walo mdlali. Kuthiwa uyise walo mdlali useke waxoxa ngqo nojosep Maria Bartomeu ongumengameli webarca nezinye izikhulu zale kilabhu.
Uneymar kuthiwa usebonile ukuthi akekho enyongweni kathomas Tuchel ongumqeqeshi omusha wale kilabhu, futhi uzivumela ngowakhe ukuthi uthathe isinqumo esingaphusile ngokushiya ibarca.
Ibarcelona kuzokuthi namuhla ngesonto yamukele i-eibar emdlalweni wespanish La Liga ozokuba ngo-19h30. Ireal Madrid yona izovakashela ireal Betis koweligi ngo-21h45.
Isiyonke imidlalo yespanish La Liga enamuhla ngesonto ihlelwe kanje:
Atletico Madrid vs Levante 13h00 (SS7).
Athletic Club vs Sevilla 17h15 (SS7). Barcelona vs Eibar 19h30 (SS7). Real Betis vs Real Madrid 21h45 (SS7).
KUSASA NGOMSOMBULUKO Real Sociedad vs Espanyol 22h00 (SS7).
Eye-english Premiership namuhla ngesonto ihlelwe kanje:-
Everton vs AFC Bournemouth 16h15 (SS3).
Tottenham Hotspur vs Manchester United 18h30 (SS3). KUSASA NGOMSOMBULUKO Manchester City vs Wolverhampton Wanderers 22h00 (SS3).