OWE-CHIEFS KUTHIWA AKAYIZWA EYE-CAF
KUVELA okushaqisayo ngokufunwa ngumqeqeshi wekaizer Chiefs, u-ernst Middendorp, ngomqhudelwano wecaf.
Ichiefs izobhekana NEZESCO United yasezambia kowecaf Confederation Cup namuhla ngesonto ngo-15h00 kulo leliya lizwe. Ichiefs ibhekise amabombo kuleliya lizwe ngeledlule ukuyobhekana nalezi zinkunzi sazezambia.
Leli phephandaba lithole ukuthi umiddendorp akayizwisisi kahle eyokudlala kulo mqhudelwano. Kuthiwa into ayibuyele kuleli wukuzonqoba isicoco se-absa Premiership.
“Abantu bangamangali uma ichiefs isheshe iphuma kulo mqhudelwano. Lo mqeqeshi akayizwisisi kahle indaba yawo. Ufuna ukubhekana neligi ngqo. Nabaphathi usebazisile, nabo bahambisana naye futhi babona ubachithela nemali.
"Sekuhlonishwa icaf nje, ukuba kuya ngaye umiddendorp ngabe akawudlali lo mqhudelwano ngoba kuningi asafuna ukukulungisa,” kusho umthombo wethu oncikene kakhulu nechiefs.
Umiddendorp wale waphetha ukuphawula ngalolu daba ngaphambi kokuba alibhekise ezambia. Uthe umatasatasa kakhulu.