Uziqhathe nabalandeli umoozlienge-video
Ubethuse nge-video yengozi yemoto eyisikhangiso
UZITHINTELE isidleke sezibonkolo kubalandeli bakhe usaziwayo ngokufaka i- video ebitshengisa sengathi wehlelwe yingozi yemoto kodwa ekugcineni okuvele ukuthi bekuyinto ehleliwe eyisikhangiso esiwumkhankaso wokuxwayisa abashayeli bezimoto abashayela besebenzisa omakhalekhukhwini.
Unomuzi ‘Moozlie’ Mabena odume ngokuba ngumethuli wezinhlelo kumabonakude, ophinde abe ngumculi we- hip hop osanda kuwina indondo yebest
Female Hip Hop
Artist, wethuse cishe iningizimu Afrika yonke ngesikhathi kuvela le video abebonakala kuyo sengathi imoto abehamba ngayo ishayisana kanzima nenye.
Kule video kuzwakale umsindo omkhulu wokushayisana kwezimoto bese kuvela isibuko semoto esiphihlikile. Kusukela ngolwesine kuze kube ngulwesihlanu emini isililo besisikhulu ezinkundleni zokuxhumana, abantu beshayisana ngamakhanda bezibuza beziphendula ukuthi kungabe kwenzekeni kulo saziwayo. Abanye bebefisa nokwazi ukuthi usindile noma ushonile. Obekuqedela abanye ngovalo ukuthi ubengatholakali ezingcingweni. Ngezikhathi zasemini yantambama ngolwesihlanu imenenja ephinde ibe yisoka lakhe, usbu Motloung uthumele isitatimende kwabezindaba esicacisayo ukuthi bekuwumkhankaso oyisexwayiso abasenze ngokuhla-
nganyela nenkampani ekhiqiza izimoto ivolkswagen (VW) nedrive Dry.
Uthe ngalo mkhankaso bahlose ukwexwayisa labo abashayela bephuzile, bagqugquzele ukuziphatha kahle kwabashayeli.
Uqhube wathi bebengaqondile neze ukwethusa abalandeli, abangani nomndeni.
Iningi labalandeli bakhe lizwakalise ukunengeka ezinkundleni zokuxhumana kanti abanye osaziwayo bawesekile lo mkhankaso. Abanye abaphawulile ezinkundleni zokuxhumana bathe: @dumantando: ungadlali ngathi
so! Yerrr @theo_kgosinkwe: Inamandla, ibe nomthelela
@remmogop: Besingekho isidingo sokuthi lo myalezo udluliswe ngale ndlela, ikakhulu ngoba osaziwayo bebazi ukuthi wumkhankaso lo, futhi kuyibo abashutha bebe beshayela ngaphezu kwawo wonke umuntu. Ubungenamqondo (umkhankaso) nginyanyile.
@ratowho: Fuse***& Beningenza ngenye indlela ukwenza lo mkhankaso @nhlanhla_ncinza:
Engingakusho nje wukuthi lokhu kungivule amehlo ngoba bengijwayele ukuposta ngishayela. Ngeke ngiphinde! Ngiyajabula ukuthi ukahle ndodakazi, kodwa ungaphinde uyenze le nto, usethusile. @ mzokoloko:
Ungalindi kuze kwenzeke ngempela ...ungashuthi ushayela, umyalezo ucacile.