SEBASTIAN JILI

NGABE WUSUKU LWAKHO LOKUZALWA NAMUHLA?

KUKHONA impi obhekene nayo okumele nakanjani ulwele ukuyinqoba. Noma yini oyicabangayo noyenzayo awuve ubalulekile umdlandla. Amandla onawo makhulu kakhulu ngakho asikho isidingo sokuba uwabukele phansi.

ARIES

UNGASE wenze kangcono ezintweni eziningi ezikuhlanganisa nomphakathi. Unamathuba amaningi okuguqula ikusasa lakho libe yilokhu okufunayo. Ungagxili kuphela ezidingweni zikamaqondana wakho bese ukhohlwa ngezakho.

TAURUS (April 20-May 20)

UYAZAMA ukwenza izinto ezizokuthuthukisa, abantu bakubone ngenye indlela. Uzojabula futhi umlekelele umaqondana wakho uma umuzwa ekhuluma ngamaphupho anawo ngekusasa.

GEMINI (May 21-June 21)

UYABONA ukuthi zikhona izinto ezingahambi kahle ebudlelwaneni bakho. Kunabantu abaningi abazwelana nawe futhi abafisa impilo yakho ingene kwesinye isigaba. Ungakunaki okukuqeda umdlandla, gxila kokukugqugquzelayo.

CANCER

UNGALINGE uzibandakanye ezinhlelweni ezingabalulekile futhi ezingagcina zimoshe ikusasa lakho. Kusemqoka ngempela ukuthatha izinqumo eziphusile futhi ongeke uzisole ngazo kusasa

LEO (March 21-April 19) (July 23-August 22)

IZINGA lokuzethemba kwakho lihlale lenyukile futhi uyazi ukuthi udalelwe ukwenza izinto ezinkulu. Uma unokuzimisela okukhulu impumelelo uzoyibona ngamehlo ngalesi sikhathi.

VIRGO (June 21-July 22) (Aug 23-Sept 22)

ABANYE obethembayo bangase bakufake enkingeni ethile. Ukuchitha isikhathi uzihlalele wedwa kuzokwenza ukuba ujule kakhulu ngokomqondo. Akekho omunye ongafukula ikusasa lakho ngaphandle kwakho.

LIBRA (Sept 23-Oct 22)

Ungazihlanganisi nezivumelwano ezingacacile kahle. Zikhona izimo ongakwazi ukuzibekezelela kodwa futhi zikhona nezinye okungamele nakancane uzibekezelele. Uyakwazi ukuzehlisa kodwa kumele ugade abantu abangakwehlisa isithunzi, uzame ukuzivikela.

SCORPIO (Oct 23-Nov 21)

ZIKHONA izinto ezingase zingakugculisi kodwa impilo izokubeka lapho ofisa ukuya khona uma naye uyihlangabeza kokunye. Qaphela uhlelo lwakho lwemali ukuthi uyisebenzisa kanjani.

SAGITTARIUS (Nov 22-Dec 21)

KUNGABA khona abathile enihlangana nabo nihlele izinhlelo ezithile. Izinto ezimbi ezenzeka empilweni yakho ungaziniki amandla kodwa jabulela okuhle kuphela. Zama ukuzigwema izindleko ezingenasidingo kodwa ugxile ezintweni ezikusa phambili.

CAPRICORN (Dec 22-Jan 19)

IZINTO zakho zidinga ukuba uzihlele ngobuhlakani obukhulu. Ungumuntu obaziyo ubunzima empilweni nokudayiswa ngabantu obathembile. Ezinye izinto ezimbi ezenzeka kuwena ungazivumeli zikugqilaze umqondo.

AQUARIUS (Jan 20-Feb 18)

KWESINYE isikhathi uma uvumela kakhulu ukwesaba ukuba kukuphazamise kunezinto ezisemqoka ozohluleka ukuzibona. Lesi yisikhathi sokuba uqine, ukwazi ukumelana nanoma hlobo luni lwesimo.

PISCES (Feb 19-March 20)

UMA indlela oziphethe ngayo ingalungile, zama ukushintsha. Kumele ucabange ujule ngaphambi kokuba ukhulume. Manje yisikhathi sokuba ulwele izinhloso zakho ukuba zifezeke.