I-KZN IHLEKA YODWA NGEZIVAKASHI UMA KUYIPHASIKA
zakuleli kuphela, kodwa bemukela nalezo eziqhamuka kwamanye amazwe.
“Ngingasho ukuthi ukuba nendiza esuka ngqo elondon iza ethekwini, kusivulele amathuba amaningi okwamukela izivakashi. Okuhle wukuthi kuzothi nje uma kuphela iphasika, sibe siqala ukwamukela ezinye izinkulungwane zezivakashi ezizobe zize kwi-africa Travel Indaba,” kusho yena.
Uthi le Indaba ihlanganisa amazwe ase-afrika awu-19, kodwa iheha izivakashi eziqhamuka naphesheya kwezilwandle.
Unkz Galelekile uthi basazoqhubeka nomkhankaso wabo WE-#DOKZN kwazise ziningi izindawo izivakashi okusamele zizazi. Unxuse ukuba abantu bazijwayeze ukuvakashela izindawo ezikhona kulesi sifundazwe. Uthi yingakho sebeze basungula ne-app okuyiyona esiza izivakashi ngezindawo ezikhona ezingabathokozisa kulesi sifundazwe.
Uphinde waveza nokuthi abantu bangacabangi ukuthi uma sebefike ethekwini, basuke sebephelele, uthi ziningi izindawo ezinolwandle, ezinezilwane, izintaba nomlando abangazivakashela.
Uveze ukuthi ngeke akwazi ukusho ukuthi balindele izivakashi ezingakanani njengoba kuza amaholide ephasika. Nokho ugcizelele ukuthi noma ngabe isibalo singakanani, bakulungele ukusimumatha.
Uphethe ngokuveza ukuthi bayanda abatshali bemali kwezokuvakasha abakhombisa intshisekelo Kwazulu-natal, okwenza umnotho ukhule futhi namathuba emisebenzi aqhubeke nokwanda. lucky.cain@ilanganews.co.za