NGIFISA KUHLANGANE I-ARROWS NE-CHIEFS KOWE-NEDBANK ETHEKWINI

SINGIHLABE umxhwele isinqumo SEPSL sokuletha okokuqala ngqa umcimbi wayo omkhulukazi wokuklomelisa amakilabhu asuke enze kahle kuleyo naleyo sizini Kwazulu-natal. Lo mcimbi obizwa ngePSL Awards uzokuba SE-ICC ngomhla ka-19 kunhlaba (May), uzokwandulelwa ngowamanqamu wenedbank Cup ozokuba mhla ka-18 emoses Mabhida Stadium, ethekwini.

Nakuba kukhona abangayizwa kahle eyokugixabezwa kwekzn ngale micimbi emibili emqoka ekhalendeni LEPSL, kodwa okumele kukhunjulwe wukuthi itheku liyidolobha elikhangayo ezivakashini. Unobhutshuzwayo wezinga eliphezulu sekubonakale kaningi ukuthi uyathandwa ethekwini.

Ngithandazela ukuba umdlalo wamanqamu ugijinywe yilamontville Golden Arrows nekaizer Chiefs bese kunqoba Abafana Bes’thende okuzokwenza usteve “Mphathi” Komphela ( osesithombeni) ongumqeqeshi wayo, aqukule inkomishi yakhe yokuqala ehlula ikilabhu ashiye kabuhlungu kuyona esehujwa ngabalandeli. Ngiyazi ukuthi indlela ye-arrows idlula kwits Galaxy kanti eyechiefs iqala kwichippa United, kodwa nginethemba lokuthi sizofezeka isifiso sami.

Thulani Mahlobo,

ethekwini