Kugqabuka igoda kupaez nechiefs
Usenikezwe incwadi yokumkhulula
LIGQABUKILE igoda phakathi kwekaizer Chiefs nomgadli wayo osezifanela nefenisha kule kilabhu. Ichiefs imemezele ukuthi ibambe ufishi omkhulu ngo-2017 yethula ugustavo Paez (28) odabuka evenezuela njengomgadli wayo omusha.
Nokho selokhu efikile akakaze enze lutho olutheni.
Ngale sizini isikimu usizwa ngendaba njengoba nabalandeli bale kilabhu sebekhohlwe nawukuthi kuke kwaba khona umuntu onjengaye.
Leli phephandaba lihletshelwe ngumthombo walo ongaphakathi kwichiefs ukuthi lo mgadli ngeledlule ubizelwe ehhovisi wanikwa incwadi ekuqinisekisayo ukuthi uzodedelwa uma kuphela isizini, ngeke yelulwe inkontileka yakhe.
“Kuphelile obekuhlanganise upaez nechiefs. Ngeledlule uyinikiwe incwadi emazisa ukuthi ngeke yelulwe inkontileka yakhe.
"Nokho usazoqhubeka nokujima kodwa futhi kungenzeka adlaliswe ngoba usanenkontileka
kodwa yena ufana nomuntu osexoshiwe.
"Uxoshwa nje, yingoba ichiefs ifuna ukuvula isikhala njengoba izama ngawo wonke amandla ukusayinisa umwape Musonda engumgadli weblack Leopards. Kodwa konke kuzocaca uma kuphela isizini,” kusho lo mthombo.
Ubobby Motaung oyimenenja yechiefs, akatholakalanga ukuphawula kwaze kwashaya isikhathi sokushicilela.
NOKHO USAZOQHUBEKA NOKUJIMA...