IZINKANYEZI:

ARIES

ISIMO sempilo yakho kuzodingeka usitotose ngayo yonke indlela. Unenkolelo yokuthi uthando olusha lungase lukunike injabulo oyidingayo. Enye ingcindezi empilweni yakho ibuye ibangelwe yindlela owenza ngayo izinto.

TAURUS (April 20-May 20)

KUMELE kube khona umuntu oseduze kwakho okukhuthazayo kuyo yonke imizamo yakho. Qinisela, ukhuthale uphinde umele iqiniso noma ngabe isimo siphikisana nawe kanjani.

GEMINI (May 21-June 20)

IZINSUKU ofisa zifike ziya ngokusondela. Ungumuntu onesiphiwo esikhulu ezintweni eziningi ezahlukene. Kukhona osukufundile mayelana nokuziphatha kwabantu. Uyakwazi ukuzimisela uma ufisa ukuphumelela.

CANCER (June 21-July 22)

UNGAMANGALI uma kukhona okade wamgcina esezama ukuzixhumanisa nawe. Usesikhathini sokuba ubuke ngelinye iso. Kukhona abazokukhuthaza bakunike umfutho.

ZIMISELE ukubambisana kakhulu nomaqondana. Kukhona izinto ezenza abanye bakuhloniphe ngenxa yomlando wakho othile. Qikelela ukuhlale umele iqiniso nalokhu okholelwa kukhona empilweni.

VIRGO (Aug 23-Sept 22)

KUKHONA amakhono ozalwe nawo - kudingeka uhlele manje ukuthi uzowasebenzisa kanjani. Abanye babuye bangakuphathi ngale ndlela oyifisayo empilweni. Vikela kahle ezinye izinhloso zakho ngokubambelela eqinisweni.

LIBRA (Sept 23-Oct 22)

BHEKISISA ukuthi ulandela unembeza wakho yini noma ulalela inhliziyo yakho kakhulu. Kungenzeka ubuye ushaye ungqimphothwe kwezinye izinqumo zakho.

SCORPIO (Oct 23-Nov 21)

IZINSELELO empilweni ziyohlale zikhona. Kumele uqonde ukuthi wena ungaphezu kwalo lonke uhlobo lwezinkinga nezinselelo ezikhona empilweni. Maningi kakhulu amaphutha owenzile okumele uzithethelele kuwona.