MZWAMANDLA ZONDI
Langesonto
Ngingumuntu okhonze ukuzihlalela endlini ngizibukela ama- movie. Engisanda kuyibuka yifast and Furious, le yokugcina. Ubani umuntu obukela kuyena?
Nguhappy Jele.
Iyiphi ikilabhu yebhola okhule uyithanda? Yi-orlando Pirates kanti phesheya ngithanda ichelsea yase-england.
Emidlalweni yakuleli ewuchungechunge yimuphi owuthandayo?
Ngiyazifela ngesibaya kanti umlingisi engimthandayo ngusibusiso Ndlovu odlalwa ngusdumo Mtshali.
Uthanda umbala onjani?
Omnyama.
Ukhona ezinkundleni zokuxhumana?
Yebo, ngikwifacebook (Sandile Khumalo) nakwi-instagram (Khumalo Sandile).
Yini oqala ngokuyenza uma uvuka ekuseni?
Ngigeza amazinyo bese ngilungiselela ukuya ejimini.
Yiliphi izwe ofisa ukulivakashela?
Yispain, ngichazwa yibhola lakhona. Yimalini umholo omncane oke wawuhola?
U-R1500.
Uma uziphumulele ulalela hlobo luni lomculo?
Ngilalela lonke uhlobo lomculo, kuya ngokuthi ngikusiphi isimo.
Yisiphi isilwane osithandayo nosesabayo?
Ngiyalithanda ibhubesi kanti ngibaleka ngizephule uma ngibona inyoka.
Uthanda hlobo luni lokudla?
Ngikhonze ukudla kwesintu ikakhulukazi ujeqe nobhontshisi.
Wake washelwa ngumuntu wesifazane?
Yebo, kodwa ngiyabaziba.
Iyiphi imoto oyithandayo?
Ngizifela ngerange Rover.
Yisiphi isigameko esibuhlungu esake sakwehlela?
Ngikhumbula ngicishe ngiyeka ibhola. Ngangisadlala kwimilford kanti kwake kwaphela izinyanga ezintathu ngingaholile. Ngacishe ngashiya kanti okuhle kuseza.
Usebenzisa nhloboni yesiqholo?
Ngisebenzisa isiqholo sakwazara. Uthini umlayezo wakho entsheni?
Intsha kumele ingalilahli ithemba. Mayisebenze kanzima ukuze ifeze amaphupho ayo.
Uma ungaba ngumengameli wezwe yini eyokuqala ongayenza?
Ngingakha amathuba emisebenzi. Indlela elinyuka ngayo izinga labantu abangasebenzi lishayisa ngovalo. Kubuhlungu ukuthi kunabantu abaningi abafundile abangasebenzi.