Bakhonjwa kwivuma
Lgagasi ligqemekile ngabethuli balo
IZIMPUKANE eziluhlaza zithi intandokazi yomsakazo Kwazulu-natal ishiywa ngabasakazi
abanohlonze.
ILANGA
Langesonto
lithole emithonjeni yalo ethembekile ukuthi igagasi FM, okuyisiteshi esizinze emhlanga enyakatho yetheku, lishi- ywa ngabethuli bohlelo lwantambama.
Ngokusho komthombo osondelene kakhulu nesimo, uthandolwethu Ngidi notrevor Phillips, abethula i-afternoon Show Off phakathi nezinsuku kulesi siteshi, sebefudukela esiteshini esingumakhelwane, ivuma FM.
Laba basakazi sebeneminyaka eminingi beshayela lolu hlelo olulandelwa kakhulu ngabalaleli ngenxa yezihloko ezihlabahlosile abazidingida kulo.
Uthandolwethu useke wasebenzela i-east Coast Radio kanti UTP useke wasebenzela imr Price Radio.
Phambilini ake avela amahlebezi okuthi laba basakazi nabanye bagaqelwe yivuma FM.
Umthombo ongaphakathi kwigagasi uthi lesi siteshi sigqemeke ingozi engeqiwa ntwala ngokuhamba kwalaba basakazi.
Utee van Heerden, oyimarketing Manager kwivuma FM, uthe angakuqinisekisa ukuthi lukhona ushintsho abazoba nalo emoyeni kusuka mhla lulunye kuntulikazi (July) kulo nyaka.
“Nginga k uqinise k i sa ukuthi sisezingxoxweni n abasakazi abaseziteshini ezahlukene ezweni lonke abatshengise intshisekelo yokuba yingxenye yevuma FM.
“Uma sesiphothulile ngezinguquko sizobe sesibikela abezindaba nomphakathi,” kuphetha yena.
Ukhulekani Shandu, oyimarketing Manager kwigagasi FM, uthe ngeke akwazi ukuphumela obala ngezinguquko ezikhona okwamanje kuze kuba bakhipha isitatimende kwabezindaba ngesonto elizayo.
tzondi@ilanganews.co.za