U-LLOYD AKANENDABA NABAMGCONAYO
AKUDIKIZI nqulu kulloyd Cele ngesithombe sakhe esesimphendule inhlekisa ezinkundleni zokuxhumana.
Ulloyd ufake isithombe sakhe kwitwitter enze isitayela sezinwele esinombala osagolide. Abalandeli bakhe bamdelele bashiya abangalazi ngombala wezinwele zakhe.
Ekhuluma NELANGA LangeSonto, ulloyd uthe ubekulindele ukuba abantu bakhuluma kakhulu baphinde benze inhlekisa ngombala wezinwele zakhe. Uthi yena uyiciko futhi ungusaziwayo ngakho-ke izinkulumo ezigxekayo akane- ndaba nazo.
Utshele leli phephandaba ukuthi wenze lokhu ngoba efuna ukutshengisa abantu ukuthi akumele babe novalo uma befuna ukwenza into abayithandayo.
“Uma ungumuntu okhathalela ukuthi abantu bathini ngawe ngeke uye ndawo empilweni. Anginendaba ukuthi bathini ngami kodwa engikwaziyo wukuthi ngeke bayishintshe indlela engiyona.
“Bangakhuluma baze batsheke imilomo kodwa akuthi diki kimina. Ngendlela engizithanda ngayo izinwele zami, ngeke ngishintshiswe yibo. Into engigqugquzelayo empi- lweni wukuba nobuhlakani nokungesabi ukuthi abantu bathini ngami.
“Engikwenzayo ngikwenzela abalandeli bami futhi ngiyabonga ngokungeseka kukho konke engikwenzayo,” kusho ulloyd.
Utshele leli phephandaba ukuthi ukhiphe ingoma ethi “Ungowami”, esebenzisana nebeyond Vocal. Uthi ingoma yabo isiyatholakala kwi-i Tunes nakwi- you tube.
Kuzokhumbuleka ukuthi ulloyd uphume isibili emncintiswaneni womculo, i- Idols,
ngowezi-2010.
phumelelela@ilanganews. co.za