SEBASTIAN JILI
NGABE WUSUKU LWAKHO LOKUZALWA NAMUHLA?
ZETHWESE umthwalo wokusebenza kanzima uze uphothule konke osukuqalile. Kuningi obekukwenza ube nokudideka, kodwa ungase ubone ukuthi bekudalwa yini. Uma uzabalazela okuthe phecelezi uzozuza khona futhi. Uyawathanda amazwi anobuhlakani nabuyisa ithemba.
ARIES
UMA ufuna ukuqhubekela phambili kuzodingeka uzinikele ngawo wonke umfutho onawo. Baningi kakhulu abanye abakhombisa ukuhambisana nawe. Isinqumo ongasithatha manje singaba nomthelela omkhulu ekusaseni lakho.
TAURUS (April 20-May 20)
ABANTU abakunika amazwi adingwa yingqondo nenhliziyo yakho yibona okumele uzihlanganise nabo. Kunonyawo olusha okuzomele uzimisele ukuhamba ngalo. Sebenzisa amaqhinga ukuze uzokwazi ukuqhuba izinhlelo zentuthuko.
GEMINI (May 21-June 21)
LOKHU ofuna ukukubona kuchuma empilweni yakho yikhona okumele ukulungiselele manje. Kunezinto nawe okumele uzame ngawo wonke amandla ukuzifunda ukuze ungezoncika kakhulu kwabanye.
CANCER
UNEMICABANGO ngezinhlelo eziningi kakhulu ofuna ukuzenza kodwa ubuye ubanjezelwe wukuthanda kakhulu injabulo. Kukhona ilambu lempumelelo elibonakala likhanya phezu kwezinhlelo zakho.
LEO (March 21-April 19) (July 23-August 22)
GXILISA umqondo wakho wonke empumelelweni. Kwesinye isikhathi kumele sidlule ebuhlungwini obukhulu ukuze kuzozaleka impumelelo yethu. Ungakuvumeli ukudideka kube yingxenye yempilo yakho.
VIRGO (June 21-July 22) (Aug 23-Sept 22)
IMIBONO yobuhlakani engakufikela ingadala umehluko omkhulu empilweni. Lapho abanye bebona khona izinkinga wena ungabona amathuba empumelelo. Uyazibona izinselelo obhekene nazo empilweni ukuthi azikugculisi.
LIBRA (Sept 23-Oct 22)
UMSHIKASHIKA wokuzithuthukisa awulidingi nakancane ikhefu. Unezifiso kanye nezidingo eziningi kakhulu ezahlukene. Ubuqhawe bakho buzogqanyiswa ukufingqa kwakho imikhono, usebenze. Unemicabango eguquka njalo ngezinye izinyathelo okumele uzithathe.
SCORPIO (Oct 23-Nov 21)
KUKHONA isinqumo ohlale unongabazane ngaso esithinta kakhulu umsebenzi wakho. Ukulawulwa kwakho wukuzethemba kungase kuvule eminye iminyango ebivalekile. Uyakhuthazeka uma ubona okuhle okwenzeka kwabanye.
SAGITTARIUS (Nov 22-Dec 21)
INHLOSO ifana neqanda okumele ulifukamele, uyivikele. Ukukhalipha kwakho kuhambisana kakhulu nokulungisa izinkinga ezithinta umndeni. Kukhona usizo oludingwa kakhulu ngumaqondana kuwena.
CAPRICORN (Dec 22-Jan 19)
KUZOMELE uzame izinhlelo ezahlukene bese ukhuthala kakhulu kuzona. Impilo yakho kumele nakanjani ihlale ivuselelekile. Uthando lwakho ludinga ukuba uluphaphamise ukuze luzolawuleka. Uzokwehla umthwalo emahlombe uma ubona ukuthi kumele uqale kuphi ugcine kuphi.
AQUARIUS (Jan 20-Feb 18)
YISIKHATHI sokuba uphokophelele phambili futhi ungalilahli kalula ithemba. Ukubuka lapho usudlule khona kukwenza ubone ukuthi ikusasa lakho liqhakazile impela. Inhlansi yethemba kakhulukazi kwezebhizinisi ilokoza ngamandla manje.
PISCES (Feb 19-March 20)
UKUBEKEZELA nokulinda isikhashana yikhona okumele ukubeke phambili. Khona maduze, izinhloso zakho kanye nezinqumo zakho zizoba ngezivelele kakhulu. Uma unesibindi uzokwazi ukubona izinto ezingayifanele impilo yakho.