EKHISHINI:
I- Stork Beat 'n Bake chocolate cake;
U-500ml kakhilimu (cream);
Ithini lama- black cherries;
U-80ml we- castor sugar;
U-15ml we- cornflour;
U-45ml wamanzi;
U-15ml we- Kirsch liqueur;
Ushokoledi ogreyithiwe.
Uma usuyibhakile ibeat ‘n Bake Cake yaphola, yisike ibe ngorawondi bamakhekhe abane.
Shaya u-500ml kakhilimu kuze kube uyaqina.
Cwenga ujusi kuma- black cherry, uwubeke eceleni. Ebhodweni, bilisa i- cherry juice ne- castor sugar.
Hlanganisa i- cornflour namanzi.
Yengeza ngojusi wama- cherry obilayo ugovuze kuze kube kuyashuba.
Beka eceleni bese ufaka ama- cherry uyeke kuphole.
Beka ama- cherry ali-10 ozohlobisa ngawo ngaphezulu ekhekheni. Beka urawondi owodwa we- chocolate cake epuletini lekhekhe bese uvuvuzela ngo-15ml we- kirsch liqueur ngaphezulu.
Faka u-1/3 we- cherry mix uwendlale ngaphezulu, ulandelise ngokhilimu oshayiwe.
Beka urawondi welinye ikhekhe, uphinde upende ngale ndlela obuwenze ngayo ekuqaleni.
Uma usubeka urawondi wokugcina we- chocolate cake, qedela ukhilimu osalile bese uhlobisa ngoshokoledi ogreyithiwe namacherry asalile ali-10. Usungazitika-ke ngekhekhe lakho elehla esiphundu.