UJORDAAN UBHOBOKA NGE-SAFA ETHEKWINI
Ebika esegoli
UDAKA olushaywe yisikwati sakwazulu-natal emidlalweni YESAB League National Championship lugadle kwezwela kune-mbeza kadanny Jordaan ongumengameli wesouth African Football Association (Safa) obukeka esonge izandla ngombango wamandla oqhubeka kwisafa ethekwini Region okuyisifunda esikhulukazi esifundazweni.
Le midlalo iqale ngolwesibili kanti isongwa namuhla ngesonto enike Football Training Centre, esoweto.
Ujordaan uphinde wagonyuluka ngokudumala kwakhe ngokubhuntsha kwedurban U/19 International Tournament obekumele iqale ngolwesine ethekwini.
Ujordaan uthi indlela esibhacaze ngakhona isikwati sesifundazwe, ikhombisile ukuthi kukhona okonakele ngebhola lasekzn.
Uzivumele ukuthi izinkinga zesafa ethekwini zinomthelela ekutheni isifundazwe singenzi kahle.
“Iyangihlukumeza le nto yasekzn. Okokuqala okumele iningizimu Afrika ikwamukele wukuthi ingcebo yebhola lakuleli isekzn. Umlando uyakufakazela lokhu.
"Lesi sifundazwe sesikhiqize inqwaba yabadlali abayenzele lukhulu ibafana Bafana. Bengiyobuka umdlalo wamanqamu wamawinter Game ngeledlule ethekwini.
"Ngichazekile ngendlela IKZN ebidlala ngakhona. Bengilindele okufanayo lapha kwisab, futhi bengibheke abanye abadlali abebedlala ethekwini ukuthi babe kulesi sikwati.
“Isimo sasekzn sesingiphoqa ukuthi ngixhumane ngqo noAlpha Mchunu wasehoy Park nomazwi Mkhize wasecurries Fountain okuyibona abahola izinhlangothi ezibangayo ethekwini.
"Ukubuyela kwesimo ethekwini yikhona okuzolungisa isimo ngoba liyisifunda esikhulu,” kusho ujordaan ngemuva komcimbi wokubungaza abadlali obungolwesine kusihlwa eturffentain Race Course, egoli.
Uthi kumkhathaze kakhulu ukukhanselwa kwedurban U/19. “Inhliziyo yami ibuhlungu ngokuthi kawusekho lo mqhudelwano ngenxa yezinkinga zemali.
"Lo mqhudelwano usubambe iqhaza elikhulu ekushintsheni impilo yabadlali.
"Uthabo Cele ogqame kule midlalo ubuya kwindebe yomhlaba ka-u/20 esouth Korea, kanti usanda kubizelwa kwibafana Bafana ebidlala kwicosafa Cup muva nje enorth West.
“Useyodlala kwibenfica yaseportugal. Lokhu kusho lukhulu ngalo mqhudelwano.
"Ngizohlala phansi nabo bonke abathintekayo sihlahle indlela eya phambili ukuze ubuye ngonyaka ozayo,” kusho ujordaan oke wabamba umhlangano nosihle Zikalala ongungqongqoshe Wezokuvakasha, ezemvelo nokuthuthukiswa komnotho nobongi Sithole-moloi ohola owezemidlalo kuzanywa ukugqashula amaketango abebhuntshisa lo mqhudelwano.