Sikhala ngezimenenja zamatekisi enanda
MHLELI: Okwenziwa yizimenenja zamarenki enanda kakulungile. Singabahlali basenanda esithuthwa yizimoto ezinestikha esibomvu senanda Taxi Association eziphethwe yinkinsela yakwagetsemane kasijabule neze ngoba lezi moto beziningi futhi kwaziwa ukuthi ziningi kodwa njengamanje kazisekho, bese lezi ezisele sincikiselelwa ngomenenja abaqashiwe bebe bengena twa.
Bagijimisa izimoto lapho beqonywe khona bese abanye abantu bacishe balahlekelwe yimisebenzi ngoba bengenazo izinto zokugibela.
Lab’ osomaqhuzu abaphatha lo soseshini obukade uhloniphekile njengoba sewungenasithunzi-nje omunye wabo ngusphiwe Mkhize oqengqeleza nemoto kasoseshini adlule abantu bemile ezitobhini maqede akhulume ukweyisa athi abantu mabaziqashele imenenja yabo ezobanaka.
Lapho ufika estobhini ngo-5 ekuseni kodwa uze ugibele sekuyoshaya ihora lesi 6 noma seligamenxe. Njengoba sivuka kangaka sisuke sifuna ukuba sikwazi ukukhava isikhathi somsebenzi.
Kusiphatha kabi ukuphathwa ngokungafani kwabantu kodwa sibe sikhokha imali efanayo. Le nto abayenzayo ifakazela wukuthi into yomuntu kayiphathwa ngendlela, kuyadavuzwa nje iphinde yehlise nesithunzi somsebenzi ophethwe ngabantu bakithi kube sengathi bonke bawuphatha budlabha.
Njengabagibeli siyaweseka futhi siyawathanda amatekisi asenanda kodwa impatho yawo cha siyayibonga komenenja. Esikucelayo njengabagibeli kugetsemane nesigungu esiphezulu okubalwa umacingwane wukuthi babuyekeze indlela izimenenja eziphethe ngayo abantu.
Erenki yakwamashu lapho kulayisha khona inanda, umsobho nasebenza nabo bacabangela abangani babo ngoba ngisho bengenela emgqeni kababakhuzi kuphela basiphendula kabi.
Okunye, singabantu sisuke sivela emsebenzini futhi sikhathele ngokufanayo. Kunabantu besitobhi u-all Stop lapho kungena amatekisi angaba yi-7 thina simile nje. Sekukaningi sikhala ngalokho kodwa ushitsho kalukho.