Ave ngibateketisa nami abantu
MHLELI: Ngisukunyiswa yinansi indaba oyikhiphe KWILANGA
Langesonto yokuteketisa umuntu ongamjwayele kangako. Ngicabanga ukuthi le oyishoyo iyaye idalwe wukuthi umuntu ojwayele ukuteketisa usuke ethanda abantu futhi engumuntu ozikhululekele bese ethatha ngokuthi wonke umuntu uzoyithatha kanjalo le nto yokuteketisa.
Ngingomunye wabo mina futhi kuyaziphumela nkosi yami, kangenzi ngabomu. Okunye wukuthi empilweni ngikakwe ngabantu abayithokozelayo indlela yami yokwenza, kusuka emndenini kuya kubangani nakomakhelwane.
Ngikuthola kulula ukuba ngithi kumuntu:
honey. Uyazi ngisho esitolo bebuza o- cashier ukuthi ngiyawudinga yini u- plastic ngiyaye ngithi:
“Ngingawuthokozela sthandwa sam.” Kodwa-ke nami kukhona umuntu-thizeni owangibeka endaweni yami ngingazanga ukuthi kanti bese ngisukile. Sasingazani kahle, ebuza indawo thizeni edinga imininingwane. Kangisazi wathini, ngathi mina:
“Cha akunjalo my angel.” Wavele waphendula ngokuthi “Yeyi, angiyona i- angel yakho, ungalinge nje ungibize ngaleyo nto.” Ngasala ngikhamisile-ke Mkhatshwa kodwa kangizange ngiyehle inqola ngoba namanje ngisakwenza kwazise kuvele kuziphumele.
Kangisayiphathi-ke eyokunqa- mulela amagama abantu, lapho-ke ngiyinkosi yakhona ngoba umuntu ugcina ebizwa ngengikusho mina ngimnqamulela. Ngino-skoni ogane ubhuti owethulwa ngelikazodwa kodwa namuhla uwonkewonke sewumbiza ngozoe owaqanjwa yimi.
Kube ngabangani esahlangana nabo enyuvesi, bazethula ngelikaZakhona nokhethiwe namuhla nasemindenini yabo esengibuya kuyo babizwa ngozah nokhethi, kuningi nje. Ngiyakuthanda sisi wami futhi nengosi yakho ngokunjalo ngiyayilandela. Ngifisa akugcine njalo ujehova.