SIHLAZIYA AMA-CD KNOWLEDGE SIMELANE

UMCULI : ZAZA (LIVE AT SOWETO THEATRE) UHLOBO LOMCULO : GOSPEL UNYAKA : 2017 AMAPHUZU : 8/10

KUSETSHENZIWE kule albhamu, bekuculwa bukhoma esoweto Theatre. Intokazi iyaziwa, icula nejoyous Celebration nakuyo le albhamu. Isipiliyoni siningi, i-albhamu imnandi ize iyophela. Izingoma ziyashesha ziphinde zidumise kuhlabahlose. Ayiyekeki uma usuke waqala wayidlala.

KWI-CD 1 zilandelana kanje: Umbhedesho, Sawbona Jesu, Konke kuyenzeka, I will sing, Kumnandi ukwethemba ujesu, Ndza swi rhandza, Agere pachigaro, Ngizohlala, welikhwezi, Bevuya nethi Kusekhon’abantu. KWI-CD 2 abafundi sebezozizwela bona, ihamba ngonyawo olufanayo nalena yokuqala.

UMCULI : UBUHLE BELOTHENI ISIHLOKO : EMPENDLE UHLOBO LOMCULO : MASIKANDI WALEMIHLA UNYAKA : 2017 AMAPHUZU : 5/10

ZIZA kahle lezi nsizwa kulolu hlobo lomculo, ziyayincenga ingoma. Zidle ngezingoma eziqanjiwe. Iphimbo lohamba phambili limtoti, izinsimbi zithakiwe, inomsoco le albhamu. Ziyi-12 sezizonke, zilamana kanje: Uthando, Icilongo, Bangichomela, Empendle, Ubuhlungu buyefana, Ubaba wami, Wakhuluma ubaba, Sizogiya, Kuyoze kube nini, Nduku zethu ziyabadida, Ngizodlula nethi Kulo mhlaba. 0715689319 yinombolo yabo lena.

UMCULI : PHUMLANI HADEBE ISIHLOKO : ANGIKAZE NGIMBONE

UHLOBO LOMCULO : GOSPEL UNYAKA : 2017 AMAPHUZU : 6/10

UPHUMLANI uyathandeka, ungumculi wegospel onalo iphimbo lenkonzo nendumiso. Iningi lezingoma zakhe ziyadumisa, zimbalwa ezisheshayo. Uyisibusiso kubazalwane, ungena kuzwakale enhliziyweni.

Ziyi-14 sezizonke, zilandelana kanje: Uphakeme, Hlala kuye, Ngcwele ngcwele, angikaze ngimbone, Kuyokusiza ngani, Iqili, Ulidwala lami, Simemezela, Lisekhona ithemba, Khumbula umenzi, Ewe Jesu, Sondele kuwe, Wethembekile, nethi Akekho onjengaye.