ASEYATHOLAKALA AMATHIKITHI OWEBAFANA
ASEQALILE ukutholakala amathikithi omdlalo womlenze wesibili wokuhlungela indebe yomhlaba phakathi kwebafana Bafana necape Verde Island ozokuba ngolwesibili lo mhla ziyisi-5 kumandulo (September) ngo-19h30 emoses Mabhida Stadim, ethekwini.
Umdlalo womlenze wokuqala uzokuba ngolwesihlanu ekuhambeni ngo-20h30 ngokwesikhathi sakuleli. Ibafana izohlangana namuhla ngesonto egoli bese ibhekisa amabombo ecape Verde ngolwesibili.
Uvusi Mazibuko oyimenenja yemoses Mabhida ukuqinisekisile kuleli phephandaba izolo ngoMgqibelo ntambama ukuthi aseyatholakala amathikithi omdlalo wasethekwini. Uthi abiza u-r60 ecomputicket. Umazibuko uthe uzokuba nemininingwane egcwele ngamathikithi ezingane kusasa ngomsombuluko ema esebuyele ehhovisi njengoba kuyimpelasonto.
Ibafana igqemeke ingozi phakathi nesonto kuhoxiswa u-itumeleng Khune wekaizer Chiefs nodarren Keet webidvest Wits abangonozinti. Ukhune uxinwe yisifuba esiholele ekutheni angeniswe esibhedlela kanti ukeet ulimele iqakala.
Izindawo zabo zivalwe ngoreyaad Pieterse wesupersport United nowayne Sandilands weOrlando Pirates.
Sesisonke isikwati sebafana esizobhekana necape Verde sididiyelwe kanje: Onozinti: Ronwen Williams (Supersport United), Sandilands (Pirates) nopieterse (Supersport).
Abasemuva: Ramahlwe Mphahlele (Kaizer Chiefs), Rivaldo Coetzee (Glasgow Celtic, Scotland), Thulani Hlatshwayo (Wits), Eric Mathoho (Kaizer Chiefs), Morgan Gould (Supersport United), Abbubaker Mobara (Orlando Pirates), Tebogo Langerman (Mamelodi Sundowns) nosifiso Hlanti (Wits).
Abasesiswini: Hlompho Kekana (Mamelodi Sundowns), Keagan Dolly (Montpellier, France), Andile Jali (K.V. Oostende, Belgium), Kamohelo Mokotjo (Brentford FC, England), Dean Furman (Supersport United), Themba Zwane (Mamelodi Sundowns), Bongani Zungu (Vitûria S.C, Portugal) nothulani Serero SBV Vitesse (Holland).
Abagadli: Percy Tau (Mamelodi Sundowns), Lebogang Manyama (Cape Town City), Kermit Erasmus (LENS, France), Tokelo Rantie (Genclerbirligi, Turkey), Bradley Grobler (Supersport United) nodaylon Claasen (Wits).
Kwezenational First Division, mithathu kuphela imidlalo ezokuba khona namuhla ngesonto ezinkundleni ezahlukene. Ijomo Cosmos izodudulana ne-university of Pretoria ngo-15h00 e-olen Park Stadium.
Iblack Leopards izokwamukela ubuntu Cape Town FC ngo-15h00 egiyani Stadium.
Owokugcina okhona ngowomthatha Bucks ezovovana inkani nomakoti itshakhuma Madzivhandila ngesikhathi esifanayo emthatha Stadium.
Iguqe okokuqala irichards Bay FC ihlulwa yicape Town All Stars ngo-1-0 kowenational First Division ngolwesihlanu ecape Town. Igoli okuguqe ngalo irichards Bay lishaywe ngulucky Setelele.