ISITOBHA SOSUTHU SIZIMISELE NGE-TOP 8
UTHEMBELA Sikhakhane oyisilomo sesitobha samazulu FC uphumela obala ngesifiso sakhe sokubona le kilabhu iqeda kwitop 8 ngesizini yayo yokuqala njengoba ishaye ibuya ngokuqala kwesizini kwi-absa Premiership.
Usuthu luzobhekana nemaritzburg United koweligi ngolwesibili ngo-19h30 eking Zwelithini Stadium, emlazi.
Abathandi abaningi bakanobhu-tshuzwayo bayalungabaza usuthu njengoba lubuyele kulesi sigaba ngokuthenga ilungelo lethanda Royal Zulu enqobe inational First Division (NFD) ngesizini edlule. Abaningi bathi luzovakasha kwi-premiership.
Nokho usikhakhane oyisitobha sale kilabhu ulibeke ngesihloko elokuthi amathe azobuyela kwasifuba kubona bonke abangabaza le kilabhu kule sizini. Uthi nakanjani bazosebenzela ukuqeda kwitop 8. Uthi akaziphuphi ngisho elele evika izembe nosuthu.
Le kilabhu iyiqale kahle imidlalo yeligi iguqisa ifree State Stars ngo-1-0 eking Zwelithini Stadium, emlazi, kwathi kowesibili yahlu-lwa yichippa United ngo2-0 ekuhambeni. Usikhakhane uthi nakanjani bafuna ukugcina ire-khodi elihle njengoba bebuyela emlazi.
“Umdlalo womkhaya uhlale unzima. Nokho kayikho inkunzi efuna ukuphuma esibayeni sayo. Sizimisele ngokuqhubeka nomgqigqo wethu omuhle wokuqoqa amaphuzu agcwele ekhaya. Inhloso yethu enkulu wukucacisa zisasuka nje ukuthi silwela i- top 8, kasizile ukuzovikana nezembe. Ukunqoba lo mdlalo kuzokhuphula nakakhulu ukuzethemba kubadlali,” kusho usikhakhane.
Abesilisa bangena ngo-r40 kulo mdlalo kanti abesifazane nezinga-ne bazokhokha ur20. Amathikithi atholakala ema- computicket. Ubrilliant Mkhathini wezokuxhumana osuthwini unxusa abalandeli ukufika ngobuningi kulo mdlalo.