EZAMAFILIMU:
UMQONDISI: Trish Sie ABADLALI ABAPHAMBILI: Anna Kendrick (Beca Mitchell), Rebel Wilson (Patricia “Fat Ammy”hobart, Hailee Steinfeld (Emily Junk), Brittany Snow (Cloe Beale), Anna Camp (Aubrey Posen), Hana Mae Lee (Lilly Onakuramara), Ester Dean (Cynthia-rose Adams), Alexis Knapp (Stacie Conrad), Chrissie Fit (Florencia “Flo” Fuentes), Kelley Jakle (Jessica Smith), Shelley Regner (Ashley Jones), Ruby Rose (Venzella Joy Williams), John Lithgow (Fergus Hobart), John Michael Higgins (John Smith), Elizabeth Banks (Gail-abernathy-mckaddenFeinberger)
UHLOBO: Musical Comedy IMINYAKA: 13 LV UMHLAZIYI: Zowakha Mbatha
ABADIDIYELI bale filimu bathi sekungeyokugcina lena njengoba seyibuyekezwa okwesithathu. Obuke lawa amabili aphambilini uzoyilandela kalula.
Ngemuva kwesimemo sokuhlanganyela enew York Aquarium, sika-emily osephambili eqenjini (lomculo) ibarden Bellas, banethemba lokuthi bazophinde bacule ngokuhlanganyela kanti kababuzanga elangeni.
Bathi uma befika batshelwe kwezikabhoqo ukuthi lapha babizelwe ukuzobuka u-emily naleli qembu elisha aselihola hhayi ukuthi bona (Bellas) bazocula ndawonye.
Uyaxolisa kubona u-emily uma sebehlangana e- bar uthi ubone kuyiyona ndlela lena ebingabenza bahlangane njengoba bese bekhumbulene.
Bagcina benza amanye amaqhinga nokungenela umncintiswano nokuzothi uma bewunqoba bavulele UDJ Khaled. Ngustacie osala ngaphandle kulo mqondo ngoba ekhulelwe esenezinyanga eziyi-8.
Okuningi-ke okwenzeka emuva kwalo mncintiswano abangawuphumeleli kuveza phakathi kokunye ubuntu, ukudayisana, ubungani, ubugebengu nobuqola (okuvela ngobaba kafat Ammy oyinkunzi yesigebengu, ufergus, nowahlukana kudala nale ndodakazi yakhe). Emuva kwezidubedube ezidalwa yilo mlisa, nabasinda kuzona bavumelana ngokuba baqhubeke nempilo yabo uma sekuvela nokuthi UDJ Khaled ufuna ukusebenza nobeca kuphela.
Uzochazeka ngokwenziwa ngubeca ngasekugcineni kwale filimu engene ngasekupheleni kukazibandlela (December) e- cinema nesekhona nanamuhla. Bheka ohlwini olungezansi ukuthi ihamba kanjani. zowakha@ilanganews.co.za.
IMPELASONTO edlule ishiye IJUMANJI: WELCOME TO THE JUNGLE isahleli esicongweni ngokubukwa futhi isahamba phambili ngokufaka imali njengoba bese ifinyelele ku: R43 303 612. Lumi kanje uhlu lwayi-10 abemba phambili: NANKA AMAFILIMU AHAMBA PHAMBILI
1- JUMANJI: WELCOME TO THE JUNGLE
2- COMMUTER
3- PITCH PERFECT 3 4- FERDINAND
5- NUT JOB 2
6- GREATEST SHOWMAN 7- STAR WARS: THE LAST JEDI 8- MOLLY’S GAME
9- FATHER FIGURES
10- FOREIGNER