SEBASTIAN JILI
NGABE WUSUKU LWAKHO LOKUZALWA NAMUHLA?
KUNEMIBUZO ozibuza yona mayelana nesimo sakho sezothando. Kunemikhuba okumele uyiguqule ngempilo yakho, uzibuze imiphumela nesiphetho sayo.
ARIES
UGUQUKO kumele ulwamukele. Kumele ukhumbule ukuthi inkuthalo iletha impumelelo. Uyakudinga kakhulu ukwesekwa ngumaqondana ngalesi sikhathi. Uzozifundisa wena ukonga manje.
TAURUS (April 20-May 20)
IZINGA lokuzethemba kwakho lenyuke ngamandla. Unezibopho ezinqala uma kuziwa ezindabeni zakho zothando. Izinqumo ezisheshayo zingakuphazamisa kancane. Kuningi okusilele emuva okuthinta wena ngqo.
GEMINI (May 21-June 21)
KUKHONA abahlale bedinga ukuchushiswa nguwe ngemibono. Kuningi okumele ukulungise kodwa ukubuyisele eceleni ngenxa yesimo esingakuvumeli. Uma kukhona ithuba eliqhamukayo ungananazi, lisebenzise ngokushesha.
CANCER
NGESINYE isikhathi kawukhohlwa kalula yilowo okuphathe kabi. Okungaletha ingcindezi empilweni yakho akukhona okwenzeka ngaphandle kodwa yilokho okwenzeka emicabangweni yakho.
LEO (March 21-April 19) (July 23-August 22)
KUNINGI osukufundile ngezimo zobudlelwano bakho. Uyazazi ukuthi udingani manje noma ubona inzima indlela okumele ukuthole ngayo.
VIRGO (June 21-July 22) (Aug 23-Sept 22)
NAKISISA kakhulu izifiso zalabo abaseduze kwakho ngoba ubuye ube yisisekelo empilweni yabo. Uzolandela imigudu emisha ezokwenza labo abangakunakile baqale ukukubuka ngenye indlela.
LIBRA (Sept 23-Oct 22)
UBUYE ukholelwe ekutheni kunabanye abathanda ukusebenzisa ubuhlakani bakho befuna ukufeza izinhloso zabo. Uyakwazi ukuyiguqula imicabango ukuze ihambisane kakhulu nesimo esizovuna izinhlelo zakho. Ungabambeleli kakhulu kokunye osekuvele konakele.
SCORPIO (Oct 23-Nov 21)
KUNEZINTO eziningi ozicabangayo ongafuni ukuzenza. Ongakudingida nabathile kungaba nomthelela esimeni sekusasa lakho. Umqondo wakho njengamanje usebenza ngamandla ngenhloso yokufeza okuningi okuphuthumayo.
SAGITTARIUS (Nov 22-Dec 21)
UKUZIMISELA kwakho kulokhu okuhlelayo kuzobonakala ngemiphumela. Qinisa izifociya kunoma yini oyenzayo ukuze ekugcineni uzonqoba kalula. Zethembe, wenze izinqumo eziphusile.
CAPRICORN (Dec 22-Jan 19)
ISITHUNZI sakho sizobuyiswa yindlela oziphatha ngayo kwabanye. Kulwele ukugcina umaqondana ethokozile futhi eyizwa imfudumalo. Lokhu othanda ukuba kwenzeke kuwe kwenze nawe kwabanye.
AQUARIUS (Jan 20-Feb 18)
KUDINGEKA ubhekane nezinye izithiyo ngaphambi kokuba uqhubekele phambili. Ubhekene nesikhathi sokuxazulula izindaba zasemndenini. Isikhathi onaso sidinga ukuba usichithe ngokuxazulula izinkinga.
PISCES (Feb 19-March 20)
OKUNYE obucabanga ukuthi kuzoshesha uzobona sengathi kuhamba ngonyawo lonwabu. Kukhona uguquko obonayo ukuthi luzokwenzeka esikhathini esifushane esizayo.