KUGXEKWE UNONDWEBA KUPHEFUMULA I-WITS EZEMBENI
bhuntsha kwale mpi.
Utete ugcine ukungena eringini ehlula usiboniso “Tiger” Gonya wasemtubatuba amgingqe phansi ngodalimede wesibhakela esikhathini esiyimizuzwana eli-11 emzuliswaneni wokuqala empini ebisebelfast, enorthern Ireland, ngasekupheleni konyaka odlule.
Lokhu kwenza ugonya wangena emlandweni ngokuba yibhokisa lokuqala emhlabeni ukushesha ukuvuma ukubaliswa izinkanyezi empini ngenqindi. Leli rekhodi likatete limbeke esicongweni esibhakeleni somhlaba. UYIVUMILE induku umqeqeshi webloemfontein Celtic eguqiswe yibidvest Wits ngo-1-0 kowe-absa Premiership ngolwesihlanu ebusuku ebidvest Stadium, egoli.
Igoli enqobe ngalo iwits kulo mdlalo libekwe enethini nguJames Keene kuyiphenathi ngomzuzu wama-32 edaleke ngesikhathi umpho Maruping eganga ebamba ngesandla ibhola ebhokisini.
Ukhulasande Qongqo obephethe lo mdlalo wayibeka emlotheni wabe esenika umaruping ikhadi elibomvu okwenze iceltic yaqeda lo mdlalo isixhuga.
Nakuba lo mdlalo iwunqobile iwits, kodwa abalandeli abaningi ngisho ezinkundleni zokuxhumana bebekhala kubalwa nojerome Damon osewathatha umhlalaphansi ekufutheni indweba, bebesola izinqumo zikaqongqo.
Yingalesi sizathu ujelusic Veselin ocija iceltic eyivumile induku nakuba ezwakalise ukungathokozi ngesinqumo sikaQongqo sokunika iwits iphenathi nokukhipha ikhadi elibomvu.
Nokho uveselin ubancomile abadlali bakhe ngokudlala ngokuzikhandla kulo mdlalo.
Uthi ukudlala kahle ngalolu hlobo kumnika ithemba emidlalweni elandelayo njengoba iceltic izovovana inkani namazulu FC ngolwesithathu ngo-19h30 eking Zwelithini Stadium, emlazi.
Ugavin Hunt ocija iwits ukhale ngembudane yebhola egijinywe ngabadlali bakhe.
Uthi selokhu kuqale isizini bayaqala ukudlala kabi ngalolu hlobo. Nokho ujabule ngokunqoba umdlalo.
Uthi akusabalulekile ukudlala ibhola elihle okumqoka wukunqoba imidlalo. Kulo mdlalo kuqokwe udaylon Claasen njengomdlali ovelele.
Iwits isibalwa namakilabhu azama ukubalekela izembe nje, sekuwumlando ukuthi yiyona evikela isicoco se-absa Premiership esidle ngonyaka odlule.
Kubukeka sekuwumlingo kuphela osengenza ezikahunt ukuba zikwazi ukuvikela ngempumelelo lesi sicoco.