U-ADEBAYOR USHIYE ANGALAZI KU-WENGER
UTHEO Walcott usedalule ukuthi akananxa no-arsene Wenger ongumqeqeshi weArsenal ebhekene nenkinga yokushiywa ngabadlali asebeyibambe isikhathi eside kuyona.
Uwalcott usejoyine i-everton edlala esigabeni esisodwa ne-arsenal se-english Premiership. Uwalcott uthi akadiniwe ngokuthi ubengasadlali. Uthi ubonga kakhulu uwenger ngokumnika ithuba.
“Akekho umdlali ongadinwa uma engadlaliswa.
"Nokho okumqoka wukuzifundisa ukwamukela isimo.
"Ngibone kungcono ukuhlukana neArsenal ukuze ngiye lapho engizothola khona ithuba lokudlala. Ngiyamhlonipha kakhulu uwenger, futhi ubambe iqhaza elikhulu empilweni yami.
"Ngiqale ukumazi ngineminyaka eli-16 ubudala.
"Ngiswele amazwi okumbonga ngokukholelwa kimina ngisemncane kakhulu ngeminyaka yobudala,” kusho lo mdlali oseneminyaka engama-28 ubudala.
Usehlale iminyaka eli-12 kwigunners. I-arsenal isihlukene no-alexis Sanchez wasechile okuvele ukuthi useqede konke nemanchester United. Kuthiwa uvalelise isigubhukane kubalingani bakhe ngaphambi kokuphuthunyiswa emanchester.
Uwenger unconywa nguwalcott nje, ushiye angalazi ngaye u-emmanuel Adebayor wasetogo. Lo mdlali uthi uyenyanya ukufa i-arsenal nowenger. Udalule lokhu ngemuva kweminyaka eyisi-9 ehlukene nale kilabhu. Uchaze uwenger njengemenenja ehubhuza amanga. Uwenger uphumele obala ngokuthi lo mgadli ufudukele kwimanchester City ngenxa yokuhehwa ngemali.
“Uwenger unamanga aluhlaza. Ngihlale naye phansi ehhovisi lakhe wangitshela ukuthi angisekho ezinhlelweni zakhe.
"Ngibe sengijoyina icity. Ngakusasa ubiza abezindaba ubatshela ukuthi ngiyengwe ngemali. Umuntu oneqiniso nguJose Mourinho engisebenze naye kwireal Madrid. Ukuba neqiniso kwakhe yikhona okwenza ngimthande namanje. Uwenger angimfuni nalapho ehambe khona,” kusho lo mdlali osegijima kwi-istanbul Basaksehir yaseturkey. Lo mgadli ujoyine i-arsenal esuka kwimonaco yasefrance ngowezi-2006.
* Isouthampton izodudulana netottenham Hotspur namuhla ngesonto ngo18h00. Iswansea City izokwamukela iliverpool kusasa ngomsombuluko ngo22h00. Le midlalo izoboniswa kwiss3 ngokwahlukana.
* Imidlalo yespanish La Liga namuhla ngesonto ihlelwe kanje:
Deportivo Alaves vs Leganes 13h00 (SS7).
Real Madrid vs Deportivo La Coruna 17h15 (SS7).
Real Sociedad vs Celta de Vigo 19h30 (SS7).
Real Betis vs Barcelona 21h45 (SS7). KUSASA NGOMSOMBULUKO
Eibar vs Malaga 22h00 (SS7).