Sekuvoveke nomotsepe ngolukabilliat
Kuthiwa uthenjiswa umholo ka-r500 000 ngenyanga
KUDIDEKE ngisho umengameli wemamelodi Sundowns upatrice Motsepe ngodaba lukakhama Billiat okuthiwa akatsheli muntu ukuthi ulibhekisa kuphi njengoba enqaba ukwelula inkontileka namaSandawana.
Umotsepe wethule ngokusemthethweni abadlali abane abasha bale kilabhu ngolwesine emini echloorkop, egauteng.
Kubadlali abethuliwe kungabalwa ujeremy Brockie, u-aubrey Ngoma, usiyabonga Zulu nogaston Sirino.
Upitso “Jingles” Mosimane ocija idowns, ukubeke kwacaca ukuthi usirino uzovala indawo kabilliat njengoba ehamba.
Leli phephandaba lihoshe ngemithombo yalo ukuthi umotsepe uke wabamba umhlangano nobilliat efuna ukuzwa ukuthi ulibhekisa kuphi njengoba enqaba ukuvuselela inkontileka nezakhe.
Kuthiwa umotsepe umncenge waze wancama lo mdlali kodwa lutho ukusho ukuthi uya kuphi. Kumakilabhu amataniswa nobilliat kubalwa i-orlando Pirates, yizamalek yaseEgypt neqarabaq yase-azerbaijan okuthiwa ithembisa ukumholela u-r500 000 zinyanga zonke.
Leli phephandaba lishayela uthulani “TT” Thuswa wezokuxhumana kwidowns ngalolu daba, uthe sebemumbe baze bancama lo mdlali kodwa akafuni ukuphumela obala.
“Ngabe ngikhuluma amanga uma ngingase ngithi ngiyazi ukuthi uyaphi ubilliat, akatsheli muntu, sesimubuze saze sancama, sesiyobona ngoba esesayinile ngoba kuzogcina kuvelile.
"Ngisho ungamshayela nawe ngeke akutshele, ufihlile. Nokho kasinankinga naye vele sesinabo abanye abadlali,” kusho uthuswa.
Ubilliat ujoyine isundowns esuka kwi-ajax Cape Town abegila izimanga kuyona. Nakuyona idowns uqhubekile nokwenza kahle njengoba ebengomunye wabadlali abangumgogodla inqoba icaf Champions League ngowezi-2016.
Ngaleso sikhathi ubevutha engabaselwe nokeagan Dolly osekwimontpellier yasefrance noleonardo Castro osejoyine ikaizer Chiefs.
Ukuvutha kwalaba badlali kuholele ekutheni baqanjwe elecbd ngoba kunqanyulelwa izibongo zabo.
Sekuwumlando ukuthi nodolly ushiye sekukubi kumaSandawana, enqaba ukumudedela, kwaze kwavela nokuthi kunomkokotelo owenziwa kwinkontileka yakhe.
Nokho asinankinga naye, vele sesinabo abanye abadlali...