Bamzwela ubuhlungu umqeqeshi wechiefs
Banegqubu lokuphucwa umdlali besamdinga
Noma kanjani lo mdlalo sizowunqoba, kasinalo uvalo ngawo...
BAMZWELA ubuhlungu usteve “Mphathi” Komphela ongumqeqeshi wekaizer Chiefs enomdlalo onzima nebaroka FC kwi-absa Premiership namuhla ngesonto ngo-15h30 epeter Mokaba Stadium, epolokwane.
La makilabhu atholana nje, izinto ziwahambela kahle njengoba imiphumela iwavuma.
Ibaroka iya kulo mdlalo nje, ngeledlule iguqise Amazulu FC ngo-2-0 kuyo le nkundla, kanti ichiefs ihlule ipolokwane City ngo-3-1 EFNB Stadium, esoweto.
Ukgoloko Thobejane ocija ibaroka, uthi udabukela ukom- phela ngoba uma eke wamshaya, abalandeli bakhiphela isibhongo kuyena.
“Ngesikhathi sibehlula emoses Mabhida Stadium, ethekwini, wonke umuntu wabona ukuthi kwenzakalani, abalandeli babesho ukumqeda.
"Kangilukhuthazi udlame ebholeni, yisimo esingamukelekile kodwa ngeke ngikufihle ukuthi thina nxa sikushaya kuthinteka le ndawo ebuhlungu kakhulu.
“Yilokho esizokwenza kwiChiefs. Ngiyamuzwela ukomphela ngoba nguyena yedwa ozothwala icala.
Empeleni sifuna nokubajezisela ukuthi basiphuce umdlali wethu usiphelele Ntshangase sisanda kumthenga kwazise besinezinhloso ngaye.
"Noma kanjani lo mdlalo sizowunqoba kasinalo uvalo ngawo,” kusho uthobejane.
Ukomphela uthi bazokuya kulo mdlalo beyihlomele ibaroka.
“Ngiyazi ukuthi ibaroka iza nani, ngiyibonile idlala namazulu ukuthi iyingozi. Kangingabazi uku- thi kuzokuba ngumdlalo oseqophelweni eliphezulu futhi onamagoli.
"Izofika kahle siyihlomele futhi nami kangingabazi ukuthi sizobuya nawo egcwele amaphuzu. Sifuna isicoco seligi, kasikwazi ukulahla amaphuzu,” kusho ukomphela.
Kuzokhumbuleka ukuthi ngesikhathi ibaroka ihlula ichiefs ngo-2-1 nyakenye emabhida, kusu- ke uthuthuva abalandeli befuna ikhanda likakomphela. Badale umonakalo bazama nokushisa inkundla.
Bakotele nasendaweni yezicukuthwane befuna ukuzifikela mathupha kubobby Motaung oyimenenja-jikelele yechiefs naye abebemsola ngokubulala le kilabhu.
Nokho njengoba isisayine abadlali abanohlonzo nje ichiefs, abalandeli babukeka bejabule.
Kulo mdlalo kulindeleke ukuba umgadli omusha wechiefs, uleonardo Castro, agijime umdlalo wakhe wokuqala njengoba kuvela ukuthi asefikile amaphepha amgunyaza ukusebenza eningizimu Afrika.