UWINSTON UBHEKANA NOTALATIYA ENGENA EHHOVISI
DARKEST HOUR UMQONDISI: Joe Wright ABADLALI ABAPHAMBILI: Gary Oldman (Winston Churchill), Kristin Scott Thomas (Clemmie), Lily James (Secretary-elizabeth Layton), Ben Mendelsohn (King George VI)
UHLOBO: Political War Drama IMINYAKA: PG UMHLAZIYI: Zowakha Mbatha
ABAZOBUKA le filimu bangathi ifike ngesikhathi esikahle kuleli njengoba ikhuluma ngokuphoqeleka kokwesula ephalamende ebritain kukaprime Minister Neville Chamberlain ohola ilabour Party, osolwa ngokuba ntekenteke ekuvikeleni izwe.
Lokhu kwenzeka phela njengoba amanazi ka-adolf Hitler asegermany engagayelwe mphako ngesikhathi sempi yesibili yomhlaba.
Nguye okumele aqoke ozongena esikhundleni sakhe nokugcina kuba nguwinston Churchill ngoba kubukeka sengathi nezinye izinhlangano zingamamukela.
Uking George VI okunguyena ophethe ibritain, akamnambithisisi kahle ngenxa yokwenzeke phambilini kwipolitiki kuleli lizwe.
Kuxatshanwa zisuka nje ephala- mende njengoba uchurchill enkulumeni yakhe nje yokuqala engayikhulumi eyoxolo kodwa ethi kuzochitheka igazi nezinyembezi. Usolwa nje yingoba namasotsha akhona avaleleke edunkirk naseCalais.
Khumbula njalo, konke lokhu kwenzeka inkonyane isathuka isisinga kuyena ngalesi sikhundla nokuyizona zinsuku ifilimu egxila kuzo, isonto lakhe lokuqala kusukela ziyishumi kunhlaba (May) eneminyaka engama-65.
Ugcina ephoqeleka ukuba aqale izingxoxo zoxolo namanazi ukuze ku-hlengeke abahlali basebritain noma abhekane ngqo nempi okubukeka ingeke inqobeke.
Kuyo yonke le ndlela unkosikazi wakhe, uclemmie, amshiya ngeminyaka engaphezu kwephindwe kabili kweyakhe njengoba enama31 nomabhalane wakhe kabayekile ukumeseka emizameni yokuvikela imibono nenkululeko yabantu bakhe njengoba kumele abhale inqwaba yezinkulumo ezizosakazwa ukuze zibuyise ithemba esizweni.
Ingene ngolwesihlanu lwayizolo e- cinema. zowakha@ilanganews.co.za
KUSHINTSHILE ukwenza ohlwini lwamafilimu ahambe phambili ngempelasonto edlule yomhlaka-26-28 January njengoba IJUMANJI: WELCOME TO THE JUNGLE isisukile esicongweni nakuba isephezulu ngokufaka imali (R52 214 520).
Lumi kanjena uhlu lwahambe phambili ngokusho kwabakwaster Kinekor Entertainment:
1 - MAZE RUNNER: THE DEATH CURE
2 - JUMANJI: WELCOME TO THE JUNGLE
3 - COMMUTER
4 - GREATEST SHOWMAN 5 - PITCH PERFECT 3
6 - FERDINAND
7 - PROUD MARY
8 - POST
9 - INSIDIOUS: THE LAST KEY 10 -MONSTER FAMILY