SIHLAZIYA UMCULO:

UMCULI : THABILE MYENI ISIHLOKO : LAMAGIBHITHE ENIWABONAYO UHLOBO LOMCULO : GOSPEL UNYAKA : 2018 UPHROJUSA : THABILE MYENI AND SIPHO MBHELE AMAPHUZU : 8/10

LELI Phasika lizoqhakaza ngale albhamu eyisibusiso kathabile Myeni onogcobo. Uthi akahambe ngesigqi sepongola Gospel Wagon esanyamalele. Uze acule neculo layo elisihloko sithi “Jesus be the fisrt one” kodwa ulitolikile. Yilokho okulindelekile emculweni owelapha umphefumulo njengowokholo. Ngiqinisekile ukuthi le albhamu izoyithola indawo ezinhliziyweni zabaningi, ingumlilo. Abasindisiwe baluzwa kangcono lolu limi. Iyatholakala ezitolo nangokushayela kulezi zinombolo: 072 586 7516 noma kwethi: 035 550 3340. UMCULI : O-JEALOUS DOWN ISIHLOKO : U-QO UHLOBO LOMCULO : MASIKANDI WEZINTOMBI UNYAKA : 2018 AMAPHUZU : 8/10

ZISHAYA into ecokeme lezi zintokazi kule albhamu yazo. Umculo uhlangene, sekunesikhathi eside sagcina ukuzwa imbumba yomculo wezintombi onjengalona. Izingoma zabo ziqanjiwe. Amaphimbo nezinsimbi kulumbene. Kuphoxa ikhava kuphela engahehi ngaphandle, ayifani nekuphethe ngaphakathi, kodwa uthi usuzwa okuphakathi ungabe usayinaka eyokuthi ingum'tiks'. Nemininingwane ayipheleliswanga. Iyatholakala ezitolo zomculo. UMCULI : BHEKO MTHETHWA ISIHLOKO : SUPERNAL SOUNDS UHLOBO LOMCULO : GOSPEL UNYAKA : 2017 PHROJUSA : BHEKO MTHETHWA AMAPHUZU : 8/10

UBHEKO Mthethwa ukhiphe ingcwenga yodwa kule albhamu. Udlisela kakhulu ngesigingci se- lead guiter asibhaxabula yena qobo esinezintambo eziyisi-8. Lena yialbhamu engagxumisi, ipholile alikho itende. Iqoshwe ngobuciko kuculwa bukhoma esoweto Theatre, egoli. Iyatholakala ezitolo zomculo kulo lonke leli.